കൊച്ചി വാട്ടർ മെട്രോയ്ക്ക് വേണ്ടി വിപുലമായ ആശയവിനിമയ സംവിധാനം എസ്‌ടിഎല്‍ നടപ്പിലാക്കുന്നു

മുംബൈ: പ്രമുഖ ഒപ്റ്റിക്കൽ, ഡിജിറ്റൽ സൊല്യൂഷൻസ് കമ്പനിയായ എസ്‌ടിഎല്‍ (എൻഎസ്ഇ: എസ് ടിഎൽ ടെക്), ഇന്ത്യയിലെ കേരള സംസ്ഥാനത്തിലെ കൊച്ചിയിലുള്ള വാട്ടർ മെട്രോയ്ക്ക് തടസ്സമില്ലാത്ത ആശയവിനിമയ സംവിധാനം സാധ്യമാക്കി ത്തീര്‍ത്തതായി പ്രഖ്യാപിച്ചു.

കൊച്ചി വാട്ടർ മെട്രോയ്ക്കായി എസ്ടിഎൽ നിയോക്സ് യൂണിഫൈഡ് കമ്മ്യൂണിക്കേഷൻസ് സൊല്യൂഷൻ സ്ഥാപിച്ചിട്ടുണ്ട്. ഐപി ടെലിഫോണി, കോൺടാക്റ്റ് സെന്റർ, ഓട്ടോമാറ്റിക് കോൾ ഡിസ്ട്രിബ്യൂഷൻ (എസിഡി), ഐവിആര്‍-കൾ, സെൻട്രലൈസ്ഡ് വോയ്‌സ് റെക്കോർഡിംഗ് (CVR) മൊഡ്യൂൾ എന്നിവയുടെ അത്യാധുനിക സാങ്കേതിക വിദ്യ ഉപയോഗിച്ചാണ് നിയോക്‌സ് സജ്ജമാക്കിയിരിക്കുന്നത്

ബാറ്ററിയിൽ പ്രവർത്തിക്കുന്ന 78 ഇലക്ട്രിക് ഹൈബ്രിഡ് ബോട്ടുകൾ ഉപയോഗിച്ച് കൊച്ചിയിലെ 10 ദ്വീപ് സമൂഹങ്ങളെ മെയിൻ ലാന്റുമായി കൊച്ചി വാട്ടർ മെട്രോ പദ്ധതി ബന്ധിപ്പിക്കും. ഈ പരിസ്ഥിതി സൗഹൃദ ബോട്ടുകൾ 76 കിലോമീറ്റർ ദൈർഘ്യമുള്ള 16 റൂട്ടുകളിലൂടെ 38 ടെർമിനലുകളിൽ നിർത്തി യാത്രക്കാരെ ഇറക്കുകയും കയറ്റുകയും ചെയ്തു കൊണ്ട് പതിവായി അങ്ങോട്ടും ഇങ്ങോട്ടും ഓടിത്തുടങ്ങും.

പരിസ്ഥിതി സൗഹൃദമായ വാട്ടർ ടാക്സി സർവീസായിരിക്കും ഇത്. പദ്ധതി വ്യാപാരം, വാണിജ്യം, സാമൂഹിക ഇടപെടൽ എന്നിവയ്ക്ക് പുതിയ അവസരങ്ങൾ തുറക്കും. 38 ജെട്ടികൾ, 1 ബോട്ട് യാർഡ്, 1 ഓപ്പറേഷൻസ് കൺട്രോൾ സെന്റർ (ഒസിസി) എന്നിവിടങ്ങളിൽ നിന്നുള്ള 145 ആന്തരിക പ്രയോജകർക്കും 10 ഹെൽപ്പ് ഡെസ്‌ക് നിര്‍വ്വഹണാധികാരികൾക്ക് ആന്തരികമായും ജീവനക്കാരും പൗരന്മാരും പോലുള്ള ബാഹ്യ തല്പരകക്ഷികളുമായും ആശയവിനിമയം നടത്താനും എസ്ടിഎൽ-ന്റെ നിയോക്‌സ് പ്ലാറ്റ്‌ഫോം അനുവദിക്കും.

പദ്ധതി-വിപുലമായ കോളിംഗ് പ്രവർത്തനക്ഷമമാക്കുന്നതിന്, ജെട്ടികളിലുടനീളമുള്ള വിഎച്ച്എഫ് റേഡിയോകളുമായും പിഎ സിസ്റ്റങ്ങളുമായും നിയോക്സ് സംയോജിപ്പിച്ചിരിക്കുന്നു. നിയോക്സ് ഐപി ടെലിഫോണി, പൊതു സ്വിച്ചഡ് ടെലിഫോൺ നെറ്റ്‌വർക്കിലേക്ക് അനുബന്ധിച്ച ഫോണ്‍ ബന്ധിപ്പിക്കുകയും ആന്തരിക ഉപയോക്താക്കൾക്ക് ഓഡിയോ, വീഡിയോ അല്ലെങ്കിൽ തൽക്ഷണ സന്ദേശമയയ്‌ക്കൽ ആശയവിനിമയം നൽകുകയും ചെയ്യും.

ഒരു അനലിറ്റിക്കൽ ഡാഷ്‌ബോർഡിലൂടെ ബോട്ട് സർവീസുകളുടെ കാര്യക്ഷമത മെച്ചപ്പെടുത്തുന്നതിലും മുഴുവൻ സിസ്റ്റത്തിന്റെയും പ്രവർത്തനങ്ങളിലും പരിപാലനത്തിലും സഹായിക്കുന്നതിലും നിയോക്‌സ് ഒരു പ്രധാന പങ്ക് വഹിക്കും.