പതിനേഴാം നൂറ്റാണ്ടിലെ രാജാക്കന്മാരുടെ ഡയമണ്ടും, മരതകവും പതിച്ച കണ്ണടകൾ ലേലത്തിന്; വില 25 കോടി

പതിനേഴാം നൂറ്റാണ്ടിലെ പുരാതന കണ്ണടകൾ ലേലത്തിന് വയ്‌ക്കുന്നു. കണ്ണടകൾ രത്നങ്ങളാൽ പൊതിഞ്ഞതാണ്. ഗ്ലാസിനുപകരം ഡയമണ്ട്, മരതകം എന്നിവ ഉപയോഗിച്ച് നിർമ്മിച്ച ഫീച്ചർ ലെൻസുകളുമാണ് ഉള്ളത്.

കണ്ണടകൾക്ക് 25 കോടിയാണ് വില പ്രതീക്ഷിക്കുന്നത്. എന്നാൽ ഇതിലും കൂടുതൽ വില കണ്ണടകൾക്ക് ലഭിക്കുമെന്നാണ് റിപ്പോർട്ട് . ഈ കണ്ണടകൾ മുഗൾ സാമ്രാജ്യത്തിലെ രാജകുടുംബത്തിന്റേതാണെന്ന് വിശ്വസിക്കപ്പെടുന്നു. ധരിക്കുന്നവരിലെ ‘തിന്മയെ അകറ്റാനും’ അവരെ ‘പ്രബുദ്ധതയിലെത്താനും’ സഹായിക്കുന്നതിനാണ് അവ രൂപകൽപ്പന ചെയ്തിരിക്കുന്നതെന്നാണ് പുരാവസ്തു ഗവേഷകർ പറയുന്നത് .

മുഗൾ ആഭരണ കരകൗശലത്തിന്റെ അപൂർവ ഉദാഹരണമാണ് ഈ കാഴ്ച. ഹാലോ ഓഫ് ലൈറ്റ്’ എന്നറിയപ്പെടുന്ന ഗ്ലാസുകളിലൊന്നിലെ ലെൻസുകൾ ഗോൾകൊണ്ടയിലെ 200 കാരറ്റ് വജ്രത്തിൽ നിന്ന് വേർതിരിച്ചതാണെന്ന് കരുതപ്പെടുന്നു.

രണ്ടാമത്തെ കണ്ണടയുടെ ലെൻസുകൾക്ക് പച്ച നിറമാണുള്ളത് . ‘ഗേറ്റ് ഓഫ് പാരഡൈസ്’ എന്ന് ഇവ അറിയപ്പെടുന്നു . കൊളംബിയൻ മരതകത്തിൽ നിന്നാണ് ഇത് രൂപ കൽപ്പന ചെയ്തതെന്ന് കരുതപ്പെടുന്നു.