പഞ്ചാബ് മിഷന്റെ ആഭിമുഖ്യത്തിൽ നവംബർ 4ന് ആദ്യ പഞ്ചാബ് മിഷൻ മേള നടത്തി

ഡല്‍ഹി:പഞ്ചാബ് മിഷന്റെ ആഭിമുഖ്യത്തിൽ നവംബർ 4ന് ആദ്യ പഞ്ചാബ് മിഷൻ മേള നടത്തപെട്ടു. മല്ലൻ വാല ഇൻഫെന്റ് ജീസസ് ദേവാലയം മിഷൻ മേളയ്ക് ആതിഥേയത്വം വഹിച്ചു. അഭിവന്ദ്യ കുര്യാക്കോസ് ഭരണികുളങ്ങര മെത്രാപ്പോലീത്ത മേളയ്ക്ക് അധ്യക്ഷത വഹിച്ചു.

പാലക്കാട് മെത്രാൻ മാർ ജേക്കബ് മാനത്തോടത്തിന്റെ സാനിധ്യം മേളക്കു കൂടുതൽ മിഴിവേകി. മിഷൻ ഇൻചാർജ് അഭിവന്ദ്യ ജോസ് പുത്തൻവീട്ടിൽ പിതാവ് മേളയിൽ സന്നിഹിതനായിരുന്നു.

വിശുദ്ധ കുർബാനയ്ക്ക് ശേഷം വിവിധ മിഷൻ സ്റ്റേഷനുകളിലെ കുട്ടികളുടെ കലാപരിപാടികൾ അരങ്ങേറി. മേളയിൽ സന്നിഹിതരായ എല്ലാവർക്കും പഞ്ചാബി വിഭവങ്ങൾ അടങ്ങിയ ഫുഡ് ഫെസ്റ്റ് ക്രമീകരിച്ചിരുന്നു. ഡൽഹിയിൽ നിന്നും പഞ്ചാബിലെ വിവിധ സ്റ്റേഷനുകളിൽ നിന്നും ആയിരത്തോളം പേർ മേളയിൽ പങ്കെടുത്തു.