അഞ്ച് വയസ്സിന് താഴെയുള്ള കുട്ടികളുമായി യാത്ര ചെയ്യുന്ന പിതാവിന്‌ സൗജന്യയാത്ര; പിതൃദിനത്തില്‍ വമ്പന്‍ 'ഓഫര്‍' പ്രഖ്യാപിച്ച്‌ തെലങ്കാന സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷൻ

ഹൈദരാബാദ്: പിതൃദിനത്തോടനുബന്ധിച്ച് തെലങ്കാന സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷൻ (ടിഎസ്ആർടിസി) പ്രത്യേക ഓഫര്‍ പ്രഖ്യാപിച്ചു.

ഓഫറിന്റെ ഭാഗമായി, അഞ്ച് വയസ്സിന് താഴെയുള്ള കുട്ടികളുമായി യാത്ര ചെയ്യുന്ന അച്ഛൻമാർക്ക് എസി സർവീസുകൾ ഉൾപ്പെടെ എല്ലാ ബസ് സർവീസുകളിലും ടിഎസ്ആർടിസി സൗജന്യ യാത്ര നൽകും. ഈ ഓഫർ ജൂൺ 19 ന് മാത്രമേ ബാധകമാകൂ.

ടിഎസ്ആർടിസി ചെയർമാൻ ബാജിറെഡ്ഡി ഗോവർദ്ധൻ, വൈസ് ചെയർമാനും എംഡിയുമായ വി സി സജ്ജനാർ എന്നിവർ ഈ അവസരത്തിൽ എല്ലാ പിതാക്കന്മാർക്കും ആശംസകൾ നേർന്നു.