മലയാളികളുടെ ആഗോള സംഘടനയായ വേൾഡ് മലയാളീ കൗൺസിലിന്റെ ഇന്ത്യ റീജിയൻ പതിമൂന്നാമത് ബയനിയൽ കോൺഫറൻസ് കോയമ്പത്തൂർ ജന്നീസ് റെസിഡൻസി ഹോട്ടലിൽ വച്ചു മെയ്‌ 27, 28 തീയതികളിൽ പ്രൗഡഗംഭീരമായി നടത്തി

കോയമ്പത്തൂര്‍: മലയാളികളുടെ ആഗോള സംഘടനയായ വേൾഡ് മലയാളീ കൗൺസിലിന്റെ ഇന്ത്യ റീജിയൻ പതിമൂന്നാമത് ബയനിയൽ കോൺഫറൻസ് കോയമ്പത്തൂർ ജന്നീസ് റെസിഡൻസി ഹോട്ടലിൽ വച്ചു മെയ്‌ 27, 28 തീയതികളിൽ പ്രൗഡഗംഭീരമായി നടത്തി. ഡബ്ല്യുഎംസി കോയമ്പത്തൂർ പ്രൊവിൻസ് ആതിഥേയത്വം വഹിച്ച മഹാ സമ്മേളനത്തിൽ കേരള ഹൈ കോടതി ജസ്റ്റിസ്, ദേവൻ രാമചന്ദ്രൻ മുഖ്യ അതിഥിയും, സിആര്‍പിഎഫ് സെൻട്രൽ ട്രെയിനിങ് സെന്റർ (കോയമ്പത്തൂർ) ഇൻസ്‌പെക്ടർ ജനറൽ അജയ് ഭരതൻ വിശിഷ്ട അഥിതിയും ആയിരുന്നു.

ലോകത്തിന്റെ 6 വിവിധ റീജിയനുകളിലുള്ള 64 പ്രൊവിൻസുകളിലായി പ്രവർത്തിച്ചു വരുന്ന പ്രവാസികളുൾപ്പെടുന്ന മലയാളികളുടെ ആഗോള സംഘടനയുടെ ഗ്ലോബൽ, റീജിയൻ പ്രതിനിധികൾ ഉൾപ്പടെ അനേകർ പങ്കെടുത്ത കലാ സാംസ്‌കാരിക പരിപാടികൾ തികച്ചും വേറിട്ട അനുഭമായിരുന്നു.

ചടങ്ങിൽ സമൂഹത്തിൽ വിവിധ തുറകളിൽ വ്യക്തിമുദ്ര പതിപ്പിച്ചവരെ പ്രത്യേകം ആദരിച്ചു. മെയ് 28 ന് നടന്ന എക്സിക്യൂട്ടീവ് കമ്മിറ്റി മീറ്റിംഗിൽ 2020-2023 വർഷത്തെ പ്രവർത്തന റിപ്പോർട്ട്‌, കണക്കുകൾ എന്നിവ അവതരിപ്പിച്ചു.

തുടർന്ന് അടുത്ത രണ്ട് വർഷത്തെ ഭാരവാഹികളായി
പി.എന്‍ രവി - ചെയർമാൻ, ഡൊമിനിക് ജോസഫ് - പ്രസിഡന്റ്‌, സാം ജോസഫ് - ജനറൽ സെക്രട്ടറി, രാമചന്ദ്രൻ പേരാമ്ബ്ര - ട്രഷറർ എന്നിവരെ തിരഞ്ഞെടുത്തു.