ഉത്തരേന്ത്യയിൽ വ്യാപക മഴ; വെള്ളപ്പൊക്കം, മണ്ണിടിച്ചിൽ; മരണസംഖ്യ 17 ആയി

ന്യൂ​ഡ​ൽ​ഹി: ഉത്തരേന്ത്യയിൽ വ്യാപക മഴ. ഡ​ൽ​ഹി​യി​ൽ ക​ഴി​ഞ്ഞ 40 വ​ർ​ഷ​ത്തി​നി​ടെ​യി​ലെ റി​ക്കാ​ർ​ഡ് മ​ഴ​യാ​ണ് ല​ഭി​ച്ച​ത്. ഞാ​യ​റാ​ഴ്ച രാ​വി​ലെ 8:30 വ​രെ 24 മ​ണി​ക്കൂ​റി​നു​ള്ളി​ൽ ഡ​ൽ​ഹി​യി​ൽ 153 മി​ല്ലി​മീ​റ്റ​ർ മ​ഴ രേ​ഖ​പ്പെ​ടു​ത്തി. ഒ​രു ദി​വ​സം ഡ​ൽ​ഹി​യി​ൽ ഏ​റ്റ​വും കൂ​ടു​ത​ൽ മ​ഴ ല​ഭി​ച്ച​തി​ന്‍റെ റി​ക്കാ​ർ​ഡ് 1982 ജൂ​ലൈ​യി​ലെ പെ​രു​മ​ഴ​യ്ക്കാ​യി​രു​ന്നു. ഉ​ത്ത​രാ​ഖ​ണ്ഡ്, ഹി​മാ​ച​ൽ പ്ര​ദേ​ശ്, ഹ​രി​യാ​ന, ഉ​ത്ത​ർ​പ്ര​ദേ​ശ്, രാ​ജ​സ്ഥാ​ൻ, പ​ഞ്ചാ​ബ് എ​ന്നി​വി​ട​ങ്ങ​ളി​ലെ പ​ല പ്ര​ദേ​ശ​ങ്ങ​ളി​ലും അ​തി​ശ​ക്ത​മാ​യ മ​ഴ​യാ​ണ് അ​നു​ഭ​വ​പ്പെ​ടു​ന്ന​ത്. ക​ഴി​ഞ്ഞ ര​ണ്ട് ദി​വ​സ​മാ​യി ഉ​ത്ത​രേ​ന്ത്യ​യി​ൽ ശ​ക്ത​മാ​യ മ​ഴ​യാ​ണ്.

ഡ​ൽ​ഹി ന​ഗ​ര​ത്തി​ലെ പ​ല​യി​ട​ങ്ങ​ളി​ലും വെ​ള്ള​ക്കെ​ട്ട് രൂ​പ​പ്പെ​ട്ടി​രി​ക്കു​ക​യാ​ണ്. ഹി​മാ​ച​ൽ പ്ര​ദേ​ശി​ൽ മ​ണ്ണി​ടി​ച്ചി​ലു​ണ്ടാ​യി. മ​ണ്ടി-​കു​ളു ദേ​ശീ​യ പാ​ത​യ​ട​ച്ചു. പാ​ലം ഒ​ലി​ച്ചു​പോ​യി. മ​ണാ​ലി​യി​ൽ ബി​യാ​സ് ന​ദി ക​ര​ക​വി​ഞ്ഞ​തോ​ടെ റോ​ഡി​ൽ നി​ർ​ത്തി​യി​ട്ട കാ​റു​ക​ൾ ഒ​ലി​ച്ചു​പോ​യി. പ​ഞ്ചാ​ബി​ലെ ഹോ​ഷി​യാ​ർ​പൂ​രി​ലും ക​ന​ത്ത മ​ഴ​യാ​ണ്. പുഞ്ചിൽ ഒഴുക്കിൽപ്പെട്ട് രണ്ട് സൈനികരടക്കം മഴക്കെടുതിയിൽ 17 പേർ മരണം റിപ്പോർട്ട് ചെയ്തു.

ഇന്നലെ രാത്രി മുതൽ കനത്ത മഴ തുടരുന്ന ഹിമാചൽപ്രദേശിൽ പ്രളയ സമാനമായ സാഹചര്യമാണ് നിലനിൽക്കുന്നത്. 7 ജില്ലകളിൽ റെഡ് അലേർട്ട് പ്രഖ്യാപിച്ചു. ലഹോൾ സ്പിതി ജില്ലയിൽ ജാഗ്രത നിർദ്ദേശം നൽകിയിട്ടുണ്ട്. വിനോദസഞ്ചാര കേന്ദ്രങ്ങളിൽ നിയന്ത്രണം ഏർപ്പെടുത്തി.

കനത്ത മഴ തുടരുന്ന, രാജസ്ഥാൻ, പഞ്ചാബ്, ഹരിയാന സംസ്ഥാനത്തിൽ വെള്ളക്കെട്ട് രൂക്ഷമായി. റംബാനിൽ മണ്ണിടിച്ചിലിനെ തുടർന്ന് ജമ്മു ശ്രീനഗർ ദേശീയപാത അടച്ചു. മഴക്കെടുതിയിൽ രാജസ്ഥാനിൽ നാലും, ഉത്തർപ്രദേശിൽ രണ്ടും ഡൽഹിയിൽ ഒരു മരണവും റിപ്പോർട്ട് ചെയ്തു. ഡൽഹി നഗരമാകെ വെള്ളക്കെട്ടിൽ മുങ്ങി. മിന്റോ റോഡ് അടച്ചു. കേന്ദ്ര ആഭ്യന്തര മന്ത്രി അമിത് ഷാ ലെഫ്. ഗവർണറുമായി സംസാരിച്ചു സ്ഥിതിഗതികൾ വിലയിരുത്തിയിട്ടുണ്ട്.

രാജസ്ഥാനിലെ രാജ്സമന്ദ്, ജലോർ, പാലി, അജ്മീർ, അൽവാർ, ബൻസ്വാര, ഭരത്പൂർ, ഭിൽവാര, ബുണ്ടി, ചിത്തോർഗഡ്, ദൗസ, ധൗൽപൂർ, ജയ്പൂർ, കോട്ട എന്നിവയുൾപ്പെടെ ഒമ്പതിലധികം ജില്ലകളിൽ അതിശക്തമായ മഴ പെയ്യുമെന്ന് കാലാവസ്ഥാ വകുപ്പിന്‍റെ മുന്നറിയിപ്പുണ്ട്.