പാലക്കാട്, വീടിന് സമീപത്തെ തോട്ടിൽ കുളിക്കാൻ ഇറങ്ങിയ യുവാവിനെ മരിച്ച നിലയിൽ കണ്ടെത്തി

മലമ്പുഴ: വീടിന് സമീപത്തെ തോട്ടിൽ കുളിക്കാൻ ഇറങ്ങിയ യുവാവിനെ മരിച്ച നിലയിൽ കണ്ടെത്തി. മലമ്പുഴ ആനക്കല്ല് കൂടാരത്തിൽ വീട്ടിൽ തോമസിൻ്റെ മകൻ എൽദോ (28) ആണ് മരിച്ചത്. ശനിയാഴ്ച്ച വൈകീട്ട് വീടിന് സമീപത്തെ തോട്ടിൽ കുളിക്കാനായി പോയതാണ് എൽദോ.

വളരെ നേരം കഴിഞ്ഞിട്ടും കാണാതായതോടെ, അന്വേക്ഷിച്ച് ചെന്നവീട്ടുക്കാർ എൽദോ തോട്ടിൽ മരിച്ചു കിടക്കുന്നതാണ് കണ്ടത്. ഓടികൂടിയ നാട്ടുക്കാർ എൽദോയെ ജില്ല ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. നെന്മാറയിലെ ക്രഷറിംങ് യൂണിറ്റിലെ സൂപ്രവൈസറാണ്.

ശനിയാഴ്ച്ചയാണ് വീട്ടിലെത്തിയത്. അപകടകാരണം വ്യക്തമല്ല. ജില്ല ആശുപത്രി മോർച്ചറിയിൽ സൂക്ഷിച്ചിട്ടുള്ള മൃതദേഹം കോവിഡ് പരിശോധന നടത്തി, പോസ്റ്റ്മോർട്ടത്തിന് ശേഷം ബന്ധുകൾക്ക് വിട്ട് കൊടുക്കും. അവിവാഹിതനാണ്. അമ്മ, സൂസമ്മ. സഹോദരി അഞ്ജുമോൾ.