വന്ദ്യ ജേക്കബ് ചാലിശ്ശേരി കോർ എപ്പിസ്കോപ്പക്ക് വിരമിക്കൽ യാത്രയയപ്പ് നൽകി

ചാലിശ്ശേരി: ചാലിശ്ശേരി ഗ്രാമത്തിൽ വൈദീകനായി നാലര പതിറ്റാണ്ടായി സേവനം അനുഷ്ഠിച്ച ജേക്കബ് ചാലിശ്ശേരി കോർ എപ്പിസ്കോപ്പയുടെ വിരമിക്കൽ യാത്രയയപ്പ് സമ്മേളനം നടത്തി. വട്ടായി സെൻ്റ് മേരീസ് യാക്കോബായ സുറിയാനി പള്ളിയിൽ ഞായറാഴ്ച നടന്ന സമ്മേളനം മലബാർ ഡവലപ്പ്മെൻ്റ് കൗൺസിൽ പ്രസിഡൻ്റും ഹോളി ലാൻഡ് പിൽഗ്രിം സൊസൈറ്റി ചെയർമാനുമായ ഷെവലിയാർ സി.ഇ. ചാക്കുണ്ണി ഉദ്ഘാടനം ചെയ്തു.

പൗരോഹിത്യ ജീവിതത്തിലെ നാൽപത്തിയഞ്ച് വർഷം പൂർത്തിയാക്കുന്ന സഭയിലെ സീനിയർ വൈദീകനായ ജെക്കബ് കോർ എപ്പിസ്കോപ്പയുടെ സേവനം സമൂഹത്തിന് മാതൃകയാണ്. വിശ്വാസികൾ നടത്തുന്ന സഹനങ്ങൾക്കും, ത്യാഗങ്ങൾക്കും നീതി ലഭിക്കുമെന്ന വിശ്വാസമാണ് ഉള്ളതെന്നും സത്യം ഇന്നെല്ലങ്കിൽ നാളെ വിജയിക്കുമെന്നും സമ്മേളന ഉദ്ഘാടന ചെയ്ത ഷെവലിയാർ സി.ഇ ചാക്കുണ്ണി പറഞ്ഞു. തൃശൂർ ഭ്രദസനാധിപൻ ഡോ. കുരിയാക്കോസ് മോർ ക്ലീമീസ് മെത്രാപ്പോലീത്ത അദ്ധ്യക്ഷനായി.

‍

മുളകുന്നത്തുകാവ് , തെക്കുംക്കര ഗ്രാമ പഞ്ചായത്ത് പ്രസിഡൻ്റുമാരായ ബൈജു ദേവസി ,ടി.വി സുനിൽ എന്നിവർ മുഖ്യ പ്രഭാഷണം നടത്തി. ഇടവക മംഗളപത്രവും ഉപഹാരവും നൽകി .ജോയ് താഴത്തുകുടിയിൽ ,ബേബി കാഞ്ഞിരമലയിൽ എന്നിവർ ചേർന്ന് കോർ-എപ്പിസ്കോപ്പയെ പൊന്നാട അണിയിച്ചു.

തൃശൂർ ഭ്രഭാസന സെക്രട്ടറി ഫാ.ജെയിസൺ കൊച്ചു പടിഞ്ഞാറെക്കര , ഫാ.ബിജു മുങ്ങാംകുന്നേൽ, ഫാ.ജോണി ചുങ്കത്ത്, ഫാ.രാജു മർക്കോസ്, ഫാ.റെജി കൂഴിക്കാട്ടിൽ , സഭാ മാനേജിംഗ് കമ്മറ്റിയംഗങ്ങളായ എബ്രഹാം കാഞ്ഞിരതിങ്കൽ, റെജി പൗലോസ്, ആൻറണി കെ.സി ചാലിശ്ശേരി, ജോസഫ് ചാലിശ്ശേരി, വട്ടായി പള്ളി ട്രസ്റ്റി ജോൺ ഇടിഞ്ഞുകുഴിയിൽ, കമ്മറ്റിയംഗം ഷാജി എ യു, ഡോ.ജോയ് കൊള്ളന്നൂർ പഞ്ചായത്തംഗങ്ങളായ സി.പി ജോർജ്, ബീന കുരിയൻ, നാൻസി കുര്യാക്കോസ് എന്നിവർ സംസാരിച്ചു. ജെക്കബ് കോർ-എപ്പിസ്ക്കോപ്പ മറുപടി പ്രസംഗം നടത്തി.

ഹോളിലാൻഡ് പിൽഗ്രിം സൊസൈറ്റിക്കു വേണ്ടി ഗീവർ എ.സി , കൂടാതെ വിവിധ പള്ളികളും ഉപഹാരം നൽകി. സംഗീതാലാപനവും സ്നേഹവിരുന്നും ഉണ്ടായി. പരിപാടിക്ക് ട്രസ്റ്റി ജോൺ ഇടിഞ്ഞു കുഴിയിൽ, സെക്രട്ടറി സിജോ നെടുങ്ങോട്ടിൽ ,മാനേജിംഗ് കമ്മറ്റി അംഗങ്ങൾ എന്നിവർ നേതൃത്വം നൽകി.