കല്ലേക്കാട് പൊടിപ്പാറ ഭാരതപ്പുഴയിൽ വിദ്യാർത്ഥി മുങ്ങി മരിച്ചു

പാലക്കാട്: കല്ലേക്കാട് പൊടിപ്പാറ ബ്ലോക്ക്‌ ഓഫീസിനു സമീപം ആന്ത്രാംകുന്ന് പ്രദേശത്ത് ഭാരതപ്പുഴയിലാണ് ഇന്ന് വിദ്യാർഥി മുങ്ങി മരിച്ച നിലയിൽ കാണപ്പെട്ടത്. ആന്ത്രാംകുന്ന് പറക്കുളം സ്വദേശി നാസറിന്‍റെ മകൻ അന്‍ഫാദ് ആണ് മരിച്ചത്.

അന്‍ഫാദ് ഒമ്പതാം ക്ലാസ് വിദ്യാർഥിയാണ്. പുഴയിലകപ്പെട്ട വിദ്യാർത്ഥിയെ നാട്ടുകാരും സന്നദ്ധ പ്രവര്‍ത്തകരും ചേർന്ന് ജില്ലാ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം പാലക്കാട് ജില്ലാ ആശുപത്രി മോർച്ചറിയിൽ.