പാലക്കാട്‌ 'സ്ത്രീശക്തി' കലാജാഥക്ക് മലമ്പുഴയിൽ ഉജ്ജ്വ സ്വീകരണം

മലമ്പുഴ ഗ്രാമപഞ്ചായത്ത് പ്രസിഡൻറ് രാധിക മാധവൻ കലാജാഥ സ്വീകരണ യോഗം ഉദ്ഘാടനം ചെയ്യുന്നു

മലമ്പുഴ:സംഗീതനാടകശില്പങ്ങൾ അവതരിപ്പിച്ചുകൊണ്ട് കുടുംബശ്രീ സ്ത്രീശക്തികലാജാഥ ടീം മലമ്പുഴ ബ്ലോക്കിൽ പര്യടനം നടത്തി. ലിംഗസമത്വം, ലിംഗനീതി എന്നീ ആശയങ്ങളുടെ പ്രചാരണാർത്ഥമാണ് സ്ത്രീശക്തി കലജാഥ അവതരിപ്പിക്കപ്പെടുന്നത്.

മലമ്പുഴ ഗാർഡൻ പരിസരത്തെ അവതരണം മലമ്പുഴ ഗ്രാമപഞ്ചായത്ത് പ്രസിഡൻ്റ് രാധിക മാധവൻ ഉദ്ഘാടനം ചെയ്തു. വൈസ് പ്രസിഡൻ്റ് സുമലത മോഹൻദാസ് അദ്ധ്യക്ഷയായി. കുടുംബശ്രീ ചെയർപേഴ്സണ്‍ ലീലാവതി, പഞ്ചായത്തംഗം സുജാത രാധാകൃഷ്ണൻ, കമ്മ്യൂണിറ്റി കൗൺസിലർ ഷൈലജ എന്നിവർ പ്രസംഗിച്ചു.

കടുംബശീ പാലക്കാട് സ്ത്രീപക്ഷ നവകേരളം ക്യാമ്പയിൻ്റ ഭാഗമായി നടത്തുന്ന സ്ത്രീശക്തി കലാജാഥ അവതരണം രംഗശ്രീ പാലക്കാടാണ്. മാർച്ച് 9ന് ആരംഭിച്ച കലാജാഥ 18 ന് സമാപിക്കും.

സ്ത്രീകൾ അഭിമുഖീകരിക്കേണ്ടി വരുന്ന വിവിധോന്മുഖങ്ങളായ പ്രശ്നങ്ങളെ കാണികളിലേക്കെത്തിക്കുന്നതിൽ നാടകം ശ്രദ്ധ പുലർത്തിയിട്ടുണ്ട്.