റോഡിനു നടുവിലെ കൊടിമരം അപകടം സൃഷ്ടിക്കുന്നതായി പരാതി

ഒലവക്കോട്:പാലക്കാട് ജങ്ഷൻ റെയിൽവേ സ്റ്റേഷനിലേക്കു പോകുന്ന പ്രധാനപ്പെട്ടതും പുരാതനമായതുമായ റോഡിനു നടുവിലെ കൊടിമരം അപകടം വിതക്കുന്നതായി പരാതി. പ്രത്യേകിച്ചും രാത്രി തീവണ്ടി വരുന്നതും പോകുന്നതുമായ സമയങ്ങളിൽ തിരക്കിട്ട് വരുന്നവരാണ് പലപ്പോഴും അപകടത്തിൽ പെടുന്നത്.

റോഡിൽ സ്ഥാപിച്ച ഈ കൊടിമരം മാറ്റി സ്ഥാപിക്കണമെന്ന ആവശ്യം ശക്തമായിരിക്കുകയാണ്. ട്രാഫിക് പോലീസിൻ്റെ ശ്രദ്ധ തിരിയണമെന്നും യാത്രക്കാർ ആവശ്യപ്പെട്ടു.