കൊഴിക്കോട്ടിരി എഎൽപി സ്കൂളിൽ പുതിയ പാചകപ്പുരയുടെ ഉദ്ഘാടനവും എല്‍എസ്എസ് നേടിയ വിദ്യാര്‍ത്ഥികള്‍ക്കും കലാ-കായിക മത്സരങ്ങളിൽ വിജയികളായവർക്കുമുള്ള അനുമോദനവും സംഘടിപ്പിച്ചു

പട്ടാമ്പി: കൊഴിക്കോട്ടിരി എ എൽപി സ്കൂളിൽ എംഎൽഎയുടെ വികസന ഫണ്ട് ഉപയോഗിച്ച് നിർമ്മിച്ച പുതിയ പാചകപ്പുരയുടെ ഉദ്ഘാടനവും കഴിഞ്ഞ വർഷം എൽഎസ്എസ് നേടിയ വിദ്യാർത്ഥികൾക്കും കലാ-കായിക മത്സരങ്ങളിൽ വിജയികളായവർക്കുള്ള അനുമോദനവും സംഘടിപ്പിച്ചു.

മുഹമ്മദ് മുഹസിൻ എം എൽ എ ഉദ്ഘാടനം ചെയ്തു. മുതുതല പഞ്ചായത്ത് പ്രസിഡൻ്റ് എ ആനന്ദവല്ലി അധ്യക്ഷയായി. പ്രധാനാധ്യാപിക ടി ശ്രീദേവി റിപ്പോർട്ട് അവതരിപ്പിച്ചു.

പഞ്ചായത്ത് വൈസ് പ്രസിഡൻ്റ് സി മുകേഷ്, പഞ്ചായത്തംഗം പി ഡി സുബീഷ്, മാനേജർ എ രവീന്ദ്രൻ,  എസ്.ഡബ്ല്യു.സി പി വിജയകുമാർ, പി കെ ഗോപാലകൃഷ്ണൻ, ടി ബഷീർ, കെ മനോജ്, പിടിഎ പ്രസിഡൻ്റ് കെ അബ്ദുൾ അസീസ് എന്നിവർ സംസാരിച്ചു.