പാലക്കാട് സുൽത്താൻപേട്ട കരയോഗം സ്വയം സഹായ സംഘം രൂപീകരിച്ചു

പാലക്കാട്: സുൽത്താൻപേട്ട കരയോഗം സ്വയം സഹായ സംഘ രൂപീകരണ യോഗം താലൂക്ക് യൂണിയൻ സെക്രട്ടറി എൻ. കൃഷ്ണകുമാർ ഉദ്ഘാടനം ചെയ്തു. കരയോഗം പ്രസിഡൻ്റ് എം. വത്സ കുമാർ അദ്ധ്യക്ഷത വഹിച്ചു.

താലൂക്ക് യൂണിയൻ എം.എസ്.എസ്.എസ് ജോയിൻ്റ് കോർഡിനേറ്റർ ഹരിദാസ് മച്ചിങ്ങൽ, കരയോഗം സെക്രട്ടറി വിജയമോഹൻ, നഗരസഭാ അംഗം അനുപമ പ്രശോഭ് എന്നിവർ ആശംസകളർപ്പിച്ച് പ്രസംഗിച്ചു. യോഗത്തിന് വനിതാ സമാജം പ്രസിഡൻ്റ് അഡ്വ.ശാന്താദേവി സ്വാഗതം ആശംസിച്ചു. വനിതാ സമാജം സെക്രട്ടറി സജിത നന്ദി പ്രകാശിപ്പിച്ചു.

ലാസിക സ്വയം സഹായ സംഘം ഭാരവാഹികളായി രജ്ഞിനി ടി.വി (പ്രസിഡൻ്റ്), അനുപമ പ്രശോഭ് (സെക്രട്ടറി), പ്രീജ എം (ട്രഷറർ), വിനി വി മോഹൻ (വൈസ് പ്രസിഡന്‍റ്), ദിവ്യ കെ. നായർ (ജോ: സെക്രട്ടറി), എന്നിവരെ തെരഞ്ഞെടുത്തു.