നെറ്റ്‌വർക്ക് തകരാര്‍; ബാങ്ക് ഓഫ് ബറോഡ ഒലവക്കോട് ബ്രാഞ്ചിന്‍റെ പ്രവർത്തനം നിലച്ചു

നെറ്റ്‌വർക്ക് തകരാറിലായതിനാൽ ജോലി ചെയ്യാനാവാതെ നിൽക്കുന്ന ഒലവക്കോട് ബ്രാഞ്ചിലെ ജീവനക്കാർ

മലമ്പുഴ: ഒലവക്കോട് ബാങ്ക് ഓഫ് ബറോഡയുടെ നെറ്റ്‌വർക്ക് തകരാറിലായതോടെ ഉപഭോക്താക്കൾ കഷ്ടത്തിലായി. രാവിലെ 10 :306 ഓടു കൂടിയാണ് നെറ്റ്‌വർക്ക് തകരാറിൽ ആയതെന്നും ഇന്ത്യ ഒട്ടുക്കും ബാങ്ക് ഓഫ് ബറോഡയിൽ നെറ്റ്‌വർക്ക് സംവിധാനം തകരാറിലാണെന്നും ഒലവക്കോട് ബ്രാഞ്ചിലെ ജീവനക്കാർ പറഞ്ഞു.

ഇതുമൂലം കച്ചവടക്കാർ അടക്കം ഒട്ടേറെ ഇടപാടുകാരാണ് ബുദ്ധിമുട്ടിലായിരിക്കുന്നത്. ഉച്ചയ്ക്ക് 2 :30 ആയിട്ടും നെറ്റ്‌വർക്ക് ശരിയായിട്ടില്ലെന്നും എപ്പോൾ ശരിയാകും എന്ന് അറിയില്ലെന്നും ഒലവക്കോട് ബ്രാഞ്ചിലെ ജീവനക്കാരി പറഞ്ഞു.