കേരളത്തെ സാമ്പത്തികമായി ഞെരുക്കി വികസന ക്ഷേമപ്രവർത്തനങ്ങൾ മുടക്കാനുള്ള കേന്ദ്രസർക്കാർ നീക്കത്തിനെതിരെ വൻ ജനാവലിയുടെ പ്രതിഷേധം. കല്ലടിക്കോട് ദീപ സെന്ററിൽ സിപിഐഎം ജനകീയ പ്രതിഷേധം സംഘടിപ്പിച്ചു

പാലക്കാട്‌: കേരളത്തെ സാമ്പത്തികമായി ഞെരുക്കി വികസന ക്ഷേമപ്രവർത്തനങ്ങൾ മുടക്കാനുള്ള കേന്ദ്രസർക്കാർ നീക്കത്തിനെതിരെ സിപിഐഎം സംസ്ഥാന വ്യാപകമായി സംഘടിപ്പിക്കുന്ന പ്രതിഷേധ സമരപരിപാടികളുടെ ഭാഗമായി കല്ലടിക്കോട് ദീപ സെന്ററിൽ ജനകീയ പ്രതിഷേധം സംഘടിപ്പിച്ചു.

പാർട്ടി സംസ്ഥാന കമ്മിറ്റി അംഗം എൻ.എൻ. കൃഷ്ണദാസ് ഉദ്ഘാടനം ചെയ്തു.കെ.സി.ഗിരീഷ് അധ്യക്ഷനായി.

കേരളത്തിന്റെ വികസനവും ക്ഷേമവും അട്ടിമറിക്കുന്നതിന്‌ ക്രൂരമായ നയങ്ങളാണ് കേന്ദ്രസർക്കാർ പിന്തുടരുന്നത്. ഐക്യരാഷ്ട്രസഭ സാമൂഹ്യസൂചികയിൽ ഒന്നാം സ്ഥാനത്ത് അടയാളപ്പെടുത്തിയ കേരളത്തെ അവമതിക്കാനുള്ള നീക്കമാണ് മോദിയുടെ ഗവൺമെന്റ് മലയാളികളോട് ചെയ്യുന്നതെന്നും എൻ.എൻ.കൃഷ്ണദാസ് കുറ്റപ്പെടുത്തി.

സിപിഐഎം ഏരിയ സെക്രട്ടറി യു.ടി.രാമകൃഷ്ണൻ,കരിമ്പ ലോക്കൽ സെക്രട്ടറി എൻ.കെ. നാരായണൻകുട്ടി, പി. എസ്.രാമചന്ദ്രൻ, സി.കെ.ജയശ്രീ, ജാഫർ, കോമളകുമാരി, പ്രസന്ന,രാധിക, റംലത്ത്, ജയവിജയൻ, മോഹൻദാസ്, പി.ജി.വത്സൻ തുടങ്ങിയവർ കല്ലടിക്കോട് നടന്ന പ്രതിഷേധ പരിപാടിയിൽ സംസാരിച്ചു. സി.പി.സജി സ്വാഗതവും എം.ചന്ദ്രൻ നന്ദിയും പറഞ്ഞു.