ചിൽഡ്രൻ റീ യുണൈറ്റഡ് ഫൗണ്ടേഷൻ നടത്തുന്ന ജീവിത കിരണം പെൻഷൻ പദ്ധതി പാലക്കാട് ആരംഭിച്ചു

പാലക്കാട്: കാഴ്ച്ച പരിമിതരും കിടപ്പു രോഗികളുമായ നൂറ്റി എട്ട് പേർക്ക് പ്രതിമാസം ആയിരം രൂപ വീതം പെൻഷൻ നൽകുന്ന ജീവിത കിരണം പെൻഷൻ പദ്ധതിക്ക് തുടക്കം കുറിച്ചു. ചിൽഡ്രൻ റീ യുണൈറ്റഡ് ഫൗണ്ടേഷൻ നടത്തുന്ന ഈ പദ്ധതിയുടെ ഉദ്ഘാടനം പാലക്കാട് ഫൈൻ ആർട്ട്സ് സൊസൈറ്റി ഓഡിറ്റോറിയത്തിൽ എ .പ്രഭാകരൻ എം എൽ എ ഉദ്ഘാടനം ചെയ്തു.

പ്രൊജക്റ്റ് ഡയറക്ടർ എംദേവരാജൻ പദ്ധതി വിശദീകരണം നടത്തി. ഫൗണ്ടർ എസ് ഹരിഹരൻ സ്നേഹസംഭാഷണം നടത്തി. പി.സുരേഷ് കുമാർ, എം.പി.സുകുമാരൻ, വിനോദ് കയനാട്, അബ്ദുൾ ഹക്കിം, വി.എൻ. ചന്ദ്രമോഹൻ, ഷെരീഫ് എന്നിവർ സംസാരിച്ചു.