കെഎസ്ഇബി മലമ്പുഴ സെക്ഷൻ ഓഫീസിനു മുകളിൽ വീണ മരക്കൊമ്പ് മുറിച്ചുമാറ്റി; ഷെഡിന്‍റെ അറ്റകുറ്റപ്പണികള്‍ പൂര്‍ത്തിയാക്കി

മലമ്പുഴ കെഎസ്ഇബി ഓഫീസിനോടനുബന്ധിച്ച് ലൈന്‍മാൻമാർ ഇരിക്കുന്ന ഷെഡിലേക്ക് മരക്കൊമ്പ് വീണ നിലയിൽ

മലമ്പുഴ: ഇന്നലെ രാത്രിയുണ്ടായ മഴയിൽ കെഎസ്ഇബി മലമ്പുഴ സെക്ഷൻ ഓഫീസിലെ ജീവനക്കാർ ഇരിക്കുന്ന ഷെഡിനു മുകളിൽ മരക്കൊമ്പു വീണ് ഷീറ്റുകൾക്ക് നാശനഷ്ടം സംഭവിച്ചു. ലൈൻമാൻമാരും മറ്റും ഇരിക്കുന്നതാണ് ഈ ഷെഡ്. മരച്ചില്ല വീഴുന്ന സമയം ജീവനക്കാർ ആരും ഇല്ലാതിരുന്നത് വൻ ദുരന്തം ഒഴിവായി.

ബന്ധപ്പെട്ട അധികൃതരുടെ നേതൃത്ത്വത്തിൽ മരം വെട്ടിമാറ്റി വൈകിട്ടോടെ ഷെഡ് അറ്റകുറ്റപണി പൂർത്തിയാക്കി. ഷെഡിനു പുറകിൽ നിന്നിരുന്ന മരത്തിൻ്റെ കൊമ്പാണ് പൊട്ടിവീണത്. കാലപ്പഴക്കം മൂലംഅപകട ഭീഷണിയുമായി നിൽക്കുന്ന മരങ്ങൾ വെട്ടിമാറ്റണമെന്ന് പല തവണ പരാതിപ്പെട്ടിട്ടും പരിഹാരമായില്ലെന്ന് നാട്ടുകാർ പറഞ്ഞു.