റിയാദ് ഐസിഎഫിന് പുതിയ ഭാരവാഹികൾ

പ്രധാന ഭാരവാഹികളായി തെരഞ്ഞെടുക്കപ്പെട്ട ഒളമതിൽ മുഹമ്മദ് കുട്ടി സഖാഫി (പ്രസിഡന്റ്), അബ്ദുൽ മജീദ് താനാളൂർ (ജനറൽ സിക്രട്ടറി), ഷമീർ രണ്ടത്താണി (ഫിനാൻസ് സെക്രട്ടറി)

റിയാദ്: പ്രവാസത്തിന്റെ അഭയം എന്ന ശീർഷകത്തിൽ നടത്തിവന്ന മെമ്പർഷിപ്പ് ക്യാമ്പയിൻ സെൻട്രൽ തലത്തിൽ സമാപനം കുറിച്ചുകൊണ്ട്,ഇന്ത്യൻ കൾച്ചറൽ ഫൗണ്ടേഷൻ (ഐസിഎഫ്) റിയാദ് സെൻട്രൽ കമ്മറ്റിയുടെ 2022 - 2024 വർഷത്തിലേക്കുള്ള ഭാരവാഹികളെ തെരഞ്ഞെടുക്കുന്ന കൗൺസിൽ യോഗം, അപ്പോളോ ഡിമോറ ഹോട്ടലിൽ നടന്നു. ഒളമതിൽ മുഹമ്മദ് കുട്ടി സഖാഫി അധ്യക്ഷത വഹിച്ചു. ഐ സി എഫ് സെൻട്രൽ പ്രൊവിൻസ് പ്രസിഡന്റ് അബ്ദുൾനാസർ അഹ്‌സനി ഉത്‌ഘാടനം ചെയ്‌തു.

ലുഖ്‌മാൻ പാഴൂർ (ജനറൽ ), അഷ്‌റഫ് ഓച്ചിറ (സാമ്പത്തികം) ഷമീർ രണ്ടത്താണി (സംഘടന), ശറഫുദ്ധീൻ നിസാമി (ദഅവ), മുനീർ കൊടുങ്ങല്ലൂർ (വിദ്യാഭ്യാസം), അബ്ദുൽ മജീദ് താനാളൂർ (അഡ്മിൻ), അബ്ദുൽ അസീസ് മാസ്റ്റർ ((വെൽഫെയർ) ഇബ്രാഹിം കരീം (സർവ്വീസ്) അബ്ദുൽ ജബ്ബാർ കുനിയിൽ (പബ്ലിക്കേഷൻ) എന്നിവർ റിപ്പോർട്ടുകൾ അവതരിപ്പിച്ചു. വിവിധ സെക്ടർ കമ്മറ്റികളിൽ നിന്നെത്തിയ കൗൺസിൽ അംഗങ്ങൾ ഏകകണ്‌ഠമായി റിപ്പോർട്ടുകൾ അംഗീകരിച്ചു പാസ്സാക്കി.

ഐ സി എഫ് സൗദി ദേശീയ സംഘടനാ കാര്യ സെക്രട്ടറി നിസാർ കാട്ടിൽ റിട്ടേർണിംഗ് ഓഫീസറും നാഷണൽ സർവീസ് സിക്രട്ടറി അബ്ദുൽ റഷീദ് സഖാഫി അസ്സിസ്റ്റന്റ് റിട്ടേർണിംഗ് ഓഫീസറുമായ സമിതിയാണ് പുതിയ ഭാവാഹികളെ തെരെഞ്ഞെടുത്തത്. ഒളമതിൽ മുഹമ്മദ് കുട്ടി സഖാഫി ( പ്രസിഡന്റ് )അബ്ദുൽ മജീദ് താനാളൂർ (ജനറൽ സിക്രട്ടറി), ഷമീർ രണ്ടത്താണി ( ഫിനാൻസ് സെക്രട്ടറി ) എന്നിവരാണ് പ്രധാന ഭാരവാഹികൾ.

അബ്ദുൽ ലത്തീഫ്‌ മിസ്ബാഹി (സംഘടനാ പ്രസിഡണ്ട്‌), അബ്ദുൽ അസീസ്‌ മാസ്റ്റർ (സംഘടനാ സെക്രട്ടറി) , :അബ്ദു റഹ്മാൻ സഖാഫി (ദഅവ പ്രസിഡണ്ട്‌), മുഹമ്മദ് ബഷീർ മിസ്ബാഹി (ദഅവ സെക്രട്ടറി), ഹസൈനാർ മുസ്‌ലിയാർ പടപ്പേങ്ങാട് (അഡ്മിൻ പ്രസിഡണ്ട്‌), അബ്ദുൽ ലത്തീഫ്‌ തിരുവമ്പാടി (അഡ്മിൻ സെക്രട്ടറി), ഇബ്രാഹിം കരിം (വെൽഫയർ പ്രസിഡണ്ട്‌ ), അബ്ദുൽ ജബ്ബാർ കുനിയിൽ (വെൽഫയർ സെക്രട്ടറി), അബ്ദുൽ റഷീദ്‌ കക്കോവ്‌ (എഡ്യുക്കേഷൻ പ്രസിഡണ്ട്‌ ), ഇസ്മയിൽ സഅദി (എഡ്യൂക്കേഷൻ സെക്രട്ടറി), അഹമ്മദ് റഊഫ് കടലുണ്ടി (മീഡിയ & പബ്ലിക്കേഷൻ പ്രസിഡണ്ട്‌), അബ്ദുൽ ഖാദർ പള്ളിപ്പറമ്പ് (മീഡിയ & പബ്ലിക്കേഷൻ സെക്രട്ടറി) എന്നിവരാണ് മറ്റു ഭാരവാഹികൾ. എമിനന്റ് ഡയറക്ടർ ആയി ശാക്കിർ കൂടാളി, ഐ ട്ടി കോർഡിനേറ്റർ ആയി ഷുക്കൂർ അലി ചെട്ടിപ്പടി, സഫ്‌വാ കോർഡിനേറ്റർ ആയി അബ്ദുൽ റസാഖ് വയൽക്കര എന്നിവരെയും തെരഞ്ഞെടുത്തു.

പ്രവാസം അവസാനിപ്പിച്ച് നാട്ടിൽ പോകുന്ന ഒലയ സെക്ടർ ഫിനാസ് സെക്രട്ടറി സൈദ് കരിപ്പൂരിനു ചടങ്ങിൽ യാത്രയയപ്പ് നൽകി. മാസ്റ്റർ മൈന്റ് ക്വിസ് മത്സരത്തിൽ ഗൾഫ് തലത്തിൽ വിജയിയായ അമ്മാർ മുഹമ്മദ് , ദേശീയ തലത്തിൽ രണ്ടാം സ്ഥാനം നേടിയ അമീൻ മൻസൂർ എന്നിവർക്കുള്ള മെഡലുകൾ സമ്മാനിച്ചു. നാഷണൽ വെൽഫെയർ സെക്രട്ടറി ഹുസ്സൈൻ അലി കടലുണ്ടി, പ്രൊവിൻസ് സംഘടനാ സെക്രടറി ഫൈസൽ മമ്പാട്, പ്രൊവിൻസ് എഡ്യൂക്കേഷൻ സെക്രടറി സൈനുദ്ധീൻ കുനിയിൽ, ലുഖ്‌മാൻ പാഴൂർ , മജീദ് താനാളൂർ ,ഹസൈനാർ മുസ്‌ലിയാർ എന്നിവർ പ്രസംഗിച്ചു.