30
Wednesday November 2022
Middle East & Gulf

വിദ്യാഭ്യാസ വിസയുമായി സൗദി അറേബ്യ: ഇന്ത്യ ഉൾപ്പെടെ 160 രാജ്യങ്ങളിലുള്ള മിടുക്കന്മാർക്ക് പ്രയോജനപ്പെടും

അക്ബര്‍ പൊന്നാനി ജിദ്ദ റിപ്പോര്‍ട്ടര്‍
Sunday, October 2, 2022

ജിദ്ദ: വിശുദ്ധിയുടെ നാട് പിന്നീട് വിനോദത്തിന്റെയും ഇപ്പോൾ വിദ്യാഭ്യാസത്തിന്റെയും കൂടി കേന്ദ്രമാവുന്നു. ടൂറിസം പരിപോഷിപ്പിക്കാനായി വിസ കാര്യങ്ങളിൽ ഒട്ടേറെ പരിഷ്കരണങ്ങളും പുതുമകളും നടപ്പാക്കിക്കൊണ്ടിരിക്കുന്ന സൗദി അറേബ്യ ഇപ്പോഴിതാ വിദ്യാഭ്യാസത്തിനും ഗവേഷണത്തിനും ഉത്തേജനം നൽകികൊണ്ട് ദീർഘകാല – ഹൃസ്വകാല “വിദ്യാഭ്യാസ വിസ” അവതരിപ്പിക്കുന്നു.

160 ഓളം രാജ്യങ്ങളിൽ നിന്നുള്ള പഠന – ഗവേഷണ കുതുകികൾക്ക് സൗദിയുടെ പുതിയ വിദ്യാഭ്യാസ വിസ ഉപയോഗപ്പെടുത്താനാകും. ഇന്ത്യയും ഈ ലിസ്റ്റിൽ ഉൾപ്പെടുന്നുവെന്ന വാർത്ത ഏറേ സഹർഷത്തോടെയാണ് സൗദിയിലെ മുപ്പത് ലക്ഷത്തോളം വരുന്ന ഇന്ത്യൻ സമൂഹം എതിരേറ്റത്.

സൗദി വിദ്യാഭ്യാസ മന്ത്രാലയം നടപ്പിലാക്കുന്ന പുതിയ വിദ്യാഭ്യാസ വിസ ഇന്ത്യ ഉൾപ്പെടെയുള്ള രാജ്യങ്ങളിലെ വിദ്യാർത്ഥികളെയും ഗവേഷകരെയും സൗദി അറേബ്യയിലെ വിവിധ യൂനിവേഴ്‌സിറ്റികളിലേക്ക് ആകർഷിക്കുകയെന്നതാണ് ലക്ഷ്യമാക്കുന്നത്. സൗദിയെ ലോകത്തെ മികച്ച വിദ്യാഭ്യാസ കേന്ദ്രമായി മാറ്റിയെടുക്കുക എന്നതാണ് പുതിയ വിദ്യാഭ്യാസ വിസയ്ക്ക് പിന്നിലെ ചേതോവികാരം.

ഒരു വർഷത്തേക്കുള്ള പഠനത്തിനാ ഹൃസ്വകാല വിസയും കൂടുതൽ വർഷം വേണ്ടിവരുന്ന പഠന ഗവേഷണങ്ങൾക്ക് ദീർഘകാല വിസയും ലഭിക്കും. അപേക്ഷ നൽകേണ്ടത് ഇതിനായി സൗദി വിദ്യാഭ്യാസ മന്ത്രാലയം ഇതിനകം ഏർപ്പെടുത്തിയിട്ടുള്ള പ്രത്യേക പോർട്ടൽ scholarship.moe.gov.sa ഉപയോഗിച്ചായിരിക്കണം. അപേക്ഷ നൽകാൻ ഒമ്പത് ഭാഷകൾ ഉപയോഗിക്കാനുള്ള സൗകര്യവും പോർട്ടലിൽ ഉണ്ട്. ഇതിൽ ഇന്ത്യൻ ഭാഷകളായ ഹിന്ദി, ഉർദു എന്നിവയും പെടുന്നു.

സൗദിയിലെ എല്ലാ പ്രവിശ്യകളിലെയും യൂനിവേഴ്‌സിറ്റികളിലെ ബിരുദ, ബിരുദാനന്തര, ഡോക്റ്ററേറ്റ്, അറബി ഭാഷ ഡിപ്ലോമ കോഴ്‌സുകൾക്ക് വിദേശികൾക്ക് അപേക്ഷിക്കാം.

ബിസിനസ്, സാമ്പത്തികം, നിയമം, രാഷ്ട്രീയം, എൻജിനീയറിംഗ്, മെഡിക്കൽ, കംപ്യൂട്ടർ, കൃഷി, വിദ്യാഭ്യാസം, ശരീഅത്ത്, അറബി ഭാഷ, ഇൻഫർമേഷൻ എന്നീ വിഷയങ്ങൾക്ക് ചേരാനുള്ള അനുമതിയാണ് ഏർപ്പെടുത്തിയിട്ടുള്ളത്.

ഓരോ വിഷയങ്ങൾക്കും ആകെയുള്ളതിന്റെ അഞ്ച് ശതമാനം വരെ സീറ്റാണ് വിദേശികൾക്കുണ്ടാവുക. എന്നാൽ ഇസ്‌ലാമിക് യൂനിവേഴ്‌സിറ്റിയിൽ അത് 85 ശതമാനം വരെ ആകാം.

ശാസ്ത്ര വിഷയങ്ങൾ ഇംഗ്ലീഷ് മീഡിയത്തിലും മറ്റുള്ളവ അറബി മീഡിയത്തിലുമാണ് അധ്യാപനം നടക്കുക. 17 നും 25നും ഇടയിൽ പ്രായമുള്ളവർക്ക് ഡിപ്ലോമ, ഡിഗ്രി കോഴ്‌സുകളിലും 30 വരെ പ്രായമുള്ളവർക്ക് പി.ജിയിലും 35 വരെ പ്രായമുള്ളവർക്ക് ഡോക്ടറേറ്റിലും ചേരാം.

പഠിതാവ് തിരഞ്ഞെടുക്കുന്ന യൂനിവേഴ്‌സിറ്റികളിൽ ചേരുന്നതിന് അപേക്ഷ നൽകിയാൽ ആദ്യം യൂനിവേഴ്‌സിറ്റിയും തുടർന്ന് വിദ്യാഭ്യാസ മന്ത്രാലയവും പെർമിറ്റ്‌ ലഭിക്കണം. അതോടെ, സ്‌പോൺസറോ മറ്റോ ആവശ്യമില്ലാതെ തന്നെ താമസിയാതെ വിദ്യാഭാസ വിസ ലഭിക്കുകയായി.

More News

ദില്ലി : ഇന്ത്യ-ചൈന ബന്ധങ്ങളിൽ ഇടപെടേണ്ടെന്നു അമേരിക്കയ്ക്കു ബെയ്‌ജിംഗ് താക്കീതു നൽകിയതായി പെന്റഗൺ റിപ്പോർട്ട്. ഇന്ത്യയുമായുള്ള അതിർത്തി പ്രശ്നങ്ങൾ പരിഹരിക്കാൻ ചൈന ശ്രമിക്കുമ്പോൾ യുഎസിനെ അകറ്റി നിർത്തുക എന്ന ലക്‌ഷ്യം കൂടിയുണ്ടെന്നു റിപ്പോർട്ട് സൂചിപ്പിക്കുന്നു. 2020-2021 ൽ ലഡാക്കിലെ ഗാൽവൻ താഴ്‌വരയിൽ ഉണ്ടായ അതിർത്തി സംഘർഷങ്ങൾ അതിന്റെ രൂക്ഷത കുറച്ചു കാണിക്കാൻ ചൈന ശ്രമിച്ചതും മൂന്നാം കക്ഷിയുടെ രംഗപ്രവേശം ഒഴിവാക്കാനാണ്. എന്നാൽ 46 വർഷത്തിനിടയിലെ ഏറ്റവും വലിയ ഏറ്റുമുട്ടൽ നടന്നിരുന്നു. ഇരു പക്ഷവും സൈനിക സാന്നിധ്യം വർധിപ്പിക്കയും […]

ഷാര്‍ജ: ഷാര്‍ജയിലുണ്ടായ വാഹനാപകടത്തില്‍ മലയാളി മരിച്ചു. ആലപ്പുഴ കായംകുളം പുതുപ്പള്ളി തെക്ക് എഴുത്തുപള്ളില്‍ പരേതരായ രാഘവന്‍ ഉണ്ണിത്താന്റെയും രത്നമ്മയുടെയും മകന്‍ ഗോപകുമാര്‍ (48) ആണ് മരിച്ചത്. 10 വർഷമായി ഷാർജയിൽ ജോലി ചെയ്യുകയായിരുന്നു. ഭാര്യ: ശ്രീജ. മകള്‍: ഗോപിക. നടപടികള്‍ പൂര്‍ത്തിയാക്കിയ ശേഷം മൃതദേഹം നാട്ടില്‍ കൊണ്ടുപോകും.

കൊച്ചി: ലോകത്തിലെ മുന്‍നിര മെക്സിക്കന്‍-പ്രചോദിത റസ്റ്റോറന്റ് ബ്രാന്‍ഡായ ടാക്കോ ബെല്‍, നിലവിലുള്ള വൈവിധ്യമാര്‍ന്ന മെനുവിലേക്ക് ചീസി ജി ടാക്കോ എന്ന രുചികരമായ പുതിയ ടാക്കോ അവതരിപ്പിച്ചു. പുത്തന്‍ ചീസി ജി ടാക്കോ, മൃദുവും മൊരിഞ്ഞതുമാണ്. ചൂടുള്ള, മൃദുവായ ഫ്ലാറ്റ് ബ്രെഡ്, രുചികരമായ സ്റ്റഫിംഗ്, സെസ്റ്റി റാഞ്ച് സോസ്, ക്രിസ്പി ലെറ്റിയൂസ് എന്നിവ നിറഞ്ഞ ക്രഞ്ചി ടാക്കോ, ത്രീ ചീസ് മിശ്രിതം കൊണ്ട് ലെയേര്‍ഡ് ചെയ്ത് പൊതിഞ്ഞിരിക്കുന്നു. ചീസി ജി ടാക്കോ അണ്‍ലിമിറ്റഡ് പെപ്‌സിക്കൊപ്പം ഇന്ത്യയിലുടനീളമുള്ള എല്ലാ ടാക്കോ […]

കുവൈറ്റ്: എൻ ബി കെ മാരത്തൺ ഡിസംബർ 10 ശനിയാഴ്ച ഗൾഫ് സ്ട്രീറ്റിൽ നടക്കുമെന്ന് നാഷണൽ അസംബ്ലി അംഗം ആലിയ അൽ ഖാലിദ് പറഞ്ഞു. നാഷനൽ ബാങ്ക് ഓഫ് കുവൈറ്റ് മാരത്തണിന്റെ പ്രശ്‌നം പരിഹരിക്കുന്നതിനും ബാങ്കുമായി ബന്ധപ്പെട്ടവരുമായുള്ള ഏകോപനത്തിനും പെട്ടെന്നുള്ള പ്രതികരണത്തിന് ആഭ്യന്തര മന്ത്രാലയത്തിനും ആഭ്യന്തര മന്ത്രിക്കും ട്രാഫിക് അസിസ്റ്റന്റ് അണ്ടർസെക്രട്ടറിക്കും നന്ദി പറയുന്നു എന്നും ആലിയ അൽ ഖാലിദ് കൂട്ടിച്ചേർത്തു. ഈ ശ്രമങ്ങളും കക്ഷികൾ തമ്മിലുള്ള ഈ സഹകരണവും പല പ്രശ്‌നങ്ങളും പരിഹരിക്കുന്നതിൽ ഫലപ്രദവും പ്രധാനപ്പെട്ടതുമായ […]

അറ്റ്ലാന്റ: സഭയും സമുധായാവും കൈകോർത്തു, പള്ളിയും സംഘടനയും ഒറ്റകെട്ടായി, സഹകരിച്ചു പോകുന്നതിൽ അഭിമാനക്കൊള്ളുന്ന അറ്റ്ലാന്റയിലെ ക്നാനായക്കാരുടെ സംഘടനയായ കെ സി എ ജി യുടെ അമരത്തിലേക്കു 12 അംഗഎക്സിക്യൂട്ടീവ് കമ്മിറ്റി സത്യ പ്രതിജ്ഞ ചെയ്ത് ചുമതല ഏറ്റുവാങ്ങി. നവംബർ  26 ന്, ഹോളി ഫാമിലി ക്നാനായ പള്ളിയിൽ, താങ്ക്സ്ഗിവിങ് കുർബാനക്ക് ശേഷം, വികാരി ബിനോയ് നാരമംഗലത് അച്ഛന്റെ സാന്നിത്യത്തിൽ നടന്ന സാധ്യപ്രതിജ്ഞാച്ചടങ്ങിൽ, മുൻ പ്രസിഡന്റ് ജാക്സൺ കുടിലിൽ അധ്യഷൻ വഹിക്കുകയും, ലൈസൻ ബോർഡ് ചെയർ  മീന സജു വട്ടകുന്നത് സാധ്യപ്രതിജ്ഞ […]

എം.എസ്.എസ്.മുൻ ജില്ലാ പ്രസിഡൻ്റും, വൈ.എം.എം.എ.എൽ പി സ്ക്കൂൾ മാനേജറും, ആലപ്പുഴയിലെ സാമൂഹ്യ സാംസ്ക്കാരിക പ്രവർത്തകനുമായിരുന്ന എം.ജെ.അബ്ദുൽ റഹുമാൻ സേട്ട് നിര്യാതനായി. ആലപ്പുഴ ബീച്ച് റഹീം റസിഡൻസി ഇദ്ദേഹത്തിൻ്റെ താണ്. നാളെ 1,12 ,2022 രാവിലെ 9 മണിക്ക് പുല്ലേപ്പടി ജുമുആ മസ്ജിദിൽ സംസ്ക്കാരം

തിരുവനന്തപുരം: സർവകലാശാലകളുടെ ചാൻസലർ പദവിയിൽ നിന്ന് ഗവർണറെ നീക്കാനുള്ള ഭേദഗതിബില്ലിന്റെ കരടിൽ അതിനുള്ള ഉദ്ദേശകാരണം അവ്യക്തമാണെന്ന് കുറിപ്പെഴുതിയ കൃഷിവകുപ്പ് സെക്രട്ടറി ഡോ.ബി. അശോകിന് മന്ത്രിസഭായോഗത്തിൽ രൂക്ഷവിമർശനം. മന്ത്രിസഭായോഗത്തിനുള്ള അജൻഡാ നോട്ടിൽ വിമർശനക്കുറിപ്പെഴുതി വച്ച കൃഷി സെക്രട്ടറിയോടുള്ള മന്ത്രിസഭയുടെ അതൃപ്തി നേരിട്ടറിയിക്കാൻ കൃഷി മന്ത്രി പി. പ്രസാദിനെയും രേഖാമൂലം അറിയിക്കാൻ ചീഫ്സെക്രട്ടറി ഡോ.വി.പി. ജോയിയെയും മന്ത്രിസഭായോഗം ചുമതലപ്പെടുത്തി. അശോകിന്റെ നിലപാടിനെ കടുത്ത ഭാഷയിൽ മുഖ്യമന്ത്രിയും മന്ത്രിമാരും യോഗത്തിൽ വിമർശിച്ചതായറിയുന്നു. അതേസമയം, നാളെ വീണ്ടും ചേരുന്ന പ്രത്യേക മന്ത്രിസഭായോഗത്തിൽ അശോക് […]

തൊടുപുഴ: ന്യൂമാൻ കോളേജ് ഇൻഡോർ സ്റ്റേഡിയത്തിൽ വച്ച് നടന്ന സംസ്ഥാന വെയ്റ്റ് ലിഫ്റ്റിങ് ചാമ്പ്യൻഷിപ്പ് സമാപിച്ചു. സീനിയർ ജൂനിയർ യൂത്ത് ഇൻറർ ക്ലബ് എന്നീ ഇനങ്ങളിലായി പുരുഷ വനിതാ കായികതാരങ്ങൾ പങ്കെടുത്തു. ഏകദേശം 1200 ഇൽ പ്പരം താരങ്ങളാണ് വിവിധ ജില്ലകളെ പ്രതിനിധീകരിച്ച് മത്സരത്തിൽ മാറ്റുരച്ചത്. ഇടുക്കി ജില്ല വെയ്റ്റ് ലിഫ്റ്റിങ് അസോസിയേഷന്റെയും ന്യൂമാൻ വെയിറ്റ്ലിഫ്റ്റിംഗ് അക്കാദമിയുടെയും ആഭിമുഖ്യത്തിൽ സംഘടിപ്പിച്ച ചാമ്പ്യൻഷിപ്പിൽ 1338 പോയിൻ്റ് കരസ്ഥമാക്കി തൃശ്ശൂർ ജില്ല ഓവറോൾ ചാമ്പ്യന്മാരായി. കോഴിക്കോട് ജില്ല 1207 പോയൻ്റുമായി […]

ന്യൂയോര്‍ക്ക്: മലങ്കര ഓര്‍ത്തഡോക്‌സ് സഭയുടെ അമേരിക്കന്‍ ഭദ്രാസന മെത്രാപ്പോലീത്തയും, നോര്‍ത്ത് ഈസ്റ്റ് അമേരിക്കന്‍ ഭദ്രാസനത്തിന്റെ പ്രഥമ മെത്രാ പ്പോലീത്തായും ആയിരുന്ന ഭാഗ്യസ്മരണാര്‍ഹനായ മാത്യൂസ് മാര്‍ ബര്‍ണബാസ് മെത്രാപ്പോലീത്തായുടെ പത്താമത് ദുക്‌റോനോ ഡിസംബര്‍ 9-10 തിയ്യതികളില്‍ ന്യൂയോര്‍ക്ക് ചെറി ലെയ്ന്‍ സെന്റ് ഗ്രീഗോറിയോസ് ഓര്‍ത്തഡോക്‌സ് പള്ളിയില്‍ കൊണ്ടാടുന്നു. ഡിസംബര്‍ 9 വെള്ളിയാഴ്ച വൈകിട്ട് 6 മണിക്ക് ഫിലാഡല്‍ഫിയ സെന്റ് തോമസ് ഓര്‍ത്തഡോക്സ് പള്ളി അസിസ്റ്റന്റ് വികാരി റവ. ഫാ. സുജിത്ത് തോമസിന്റെ നേതൃത്വത്തില്‍ സന്ധ്യാപ്രാര്‍ത്ഥനയും തുടര്‍ന്ന് സുവിശേഷ പ്രസംഗവും […]

error: Content is protected !!