യുഎ റഷീദ് പാലത്തറ ഗേറ്റിന്റെ അനുഭവ കഥകൾ; ' ഒരു പൊതിച്ചോറിന്റെ സങ്കടം' പ്രകാശനം ചെയ്തു

ഷാർജ: അക്ഷരജാലകം ബുക്ക്സ് പ്രസിദ്ധീകരിക്കുന്ന യുഎ റഷീദ് പാലത്തറ ഗേറ്റിന്റെ അനുഭവ കഥകൾ 'ഒരു പൊതിച്ചോറിന്റെ സങ്കടം' പ്രകാശനം ഷാർജ അന്താരാഷ്ട്ര പുസ്തകം മേളയിലെ ഹാൾ 3 കൾച്ചറൽ സെന്ററിൽ ഷാർജ പോലീസ് മീഡിയ തലവൻ ഹിസ് എക്സലൻസി ഡോ. അബ്ദുല്ലത്തീഫ് ഖാസി യുഎഇയിലെ പ്രമുഖ എഴുത്തുകാരനും കവിയുമായ അഹ്മദ് ഇബ്രാഹിമിന് കോപ്പി നൽകി നിർവഹിച്ചു.

ഡോ. നാസർ വാണിയമ്പലം മോഡറേറ്ററായി ഇബ്രാഹിം അൽഹാഷിമി യുഎഇ, സയ്യിദ് ഹൈദ്രോസ് തങ്ങൾ, ഇ പി ജോൺസൺ, റുഷ്‌ദി ബിൻ റഷീദ്, മുനീർ പാണ്ടിയാല, യു എ റഷീദ് അസ്ഹരി പങ്കെടുത്തു.