ഡല്‍ഹി ക്യാപിറ്റല്‍സിനെ ആറു വിക്കറ്റിന് തകര്‍ത്തു; ലഖ്‌നൗ സൂപ്പര്‍ ജയന്റ്‌സിന് തകര്‍പ്പന്‍ ജയം

മുംബൈ: ഐപിഎല്ലില്‍ ഇന്ന് നടന്ന മത്സരത്തില്‍ ലഖ്‌നൗ സൂപ്പര്‍ ജയന്റ്‌സ് ഡല്‍ഹി ക്യാപിറ്റല്‍സിനെ ആറു വിക്കറ്റിന് തോല്‍പിച്ചു. ആദ്യം ബാറ്റു ചെയ്ത ഡല്‍ഹി 20 ഓവറില്‍ മൂന്ന് വിക്കറ്റ് നഷ്ടത്തില്‍ 149 റണ്‍സെടുത്തു. ലഖ്‌നൗ രണ്ട് പന്ത് മാത്രം ബാക്കിനില്‍ക്കെ വിജയലക്ഷ്യം മറികടന്നു.

34 പന്തില്‍ 61 റണ്‍സെടുത്ത പൃഥി ഷായാണ് ഡല്‍ഹിയുടെ ടോപ് സ്‌കോറര്‍. ഡേവിഡ് വാര്‍ണര്‍-4, റോവ്മാന്‍ പവല്‍-3, ഋഷഭ് പന്ത്-39 നോട്ടൗട്ട്, സര്‍ഫറാസ് ഖാന്‍-36 നോട്ടൗട്ട് എന്നിങ്ങനെയാണ് മറ്റു ഡല്‍ഹി ബാറ്റര്‍മാരുടെ പ്രകടനം.

ലഖ്‌നൗവിനു വേണ്ടി രവി ബിഷ്‌ണോയ് രണ്ടും, കൃഷ്ണപ്പ ഗൗതം ഒരു വിക്കറ്റും വീഴ്ത്തി.

52 പന്തില്‍ 80 റണ്‍സെടുത്ത ക്വിന്റോണ്‍ ഡി കോക്കാണ് ലഖ്‌നൗവിന്റെ ടോപ് സ്‌കോറര്‍. കെ.എല്‍. രാഹുല്‍-24, എവിന്‍ ലൂയിസ്-5, ദീപക് ഹൂഡ-11, ക്രുണാല്‍ പാണ്ഡ്യ-19 നോട്ടൗട്ട്, ആയുഷ് ബദോനി-10 നോട്ടൗട്ട് എന്നിങ്ങനെയാണ് മറ്റു ലഖ്‌നൗ ബാറ്റര്‍മാരുടെ സ്‌കോറുകള്‍.

ഡല്‍ഹിക്കു വേണ്ടി കുല്‍ദീപ് യാദവ് രണ്ടു വിക്കറ്റും, ലളിത് യാദവ്, ഷാര്‍ദ്ദുല്‍ താക്കൂര്‍ എന്നിവര്‍ ഓരോ വിക്കറ്റും വീഴ്ത്തി.