സാംസങ് പുതിയ അഞ്ച് സ്മാര്‍ട്‌ഫോണുകള്‍ ഇന്ത്യന്‍ വിപണിയില്‍ അവതരിപ്പിച്ചു

സാംസങ് പുതിയ അഞ്ച് സ്മാര്‍ട്‌ഫോണുകള്‍ ഇന്ത്യന്‍ വിപണിയില്‍ അവതരിപ്പിച്ചു. ഗാലക്‌സി എ73 5ജി, ഗാലക്‌സി എ13, ഗാലക്‌സി എ53, ഗാലക്‌സി എ23, ഗാലക്‌സി എ33 തുടങ്ങിയ ഫോണുകളാണ് അവതരിപ്പിച്ചത്.

ഗാലക്‌സി എ53 5ജി ഫോണിന്റെ 6ജിബി + 128 ജിബി പതിപ്പിന് 34,499 രൂപയാണ് വില. ഗാലക്‌സി എ23യുടെ 6ജിബി + 128 ജിബി പതിപ്പിന് 19,499 രൂപയാണ് വില. 8ജിബി + 128 ജിബി പതിപ്പിന് 20,999 രൂപയാണ് വില. ഗാലക്‌സി എ13 ന്റെ 4ജിബി + 64 ജിബി പതിപ്പിന് 14,999 രൂപയാണ് വില. 4ജിബി + 128 ജിബി സ്റ്റോറേജ് പതിപ്പിന് 15,999 രൂപയും 6ജിബി + 64 ജിബി പതിപ്പിന് 17,499 രൂപയും ആണ് വില.

5000 എംഎഎച്ച് ബാറ്ററി, 90 ഹെര്‍ട്‌സ് റിഫ്രഷ് റേറ്റുള്ള ഡിസ്‌പ്ലേ ഉള്‍പ്പടെയുള്ള നിരവധി സൗകര്യങ്ങളാണ് പുതിയ മിഡ് റേഞ്ച് എ സീരീസ് ഫോണുകളില്‍ സാംസങ് ഒരുക്കിയിട്ടുള്ളത്. ഗാലക്‌സി എ73 5ജി, എ53 5ജി, ഫോണുകളില്‍ നാല് വര്‍ഷത്തെ ആന്‍ഡ്രോയിഡ് ഓഎസ് അപ്‌ഡേറ്റ് കമ്പനി വാഗ്ദാനം ചെയ്യുന്നുണ്ട്.