/sathyam/media/agency_attachments/5VspLzgrB7PML1PH6Ix6.png)
Follow Usവ്യക്തികളെ വധിക്കാനുള്ള ദൗത്യങ്ങള്‍ മുതല്‍ ടാങ്കുകളെ മിസൈലുകള്‍ അയച്ച് തകര്‍ക്കാനും ശത്രുവിന്റെ നീക്കങ്ങള്‍ രഹസ്യമായ നിരീക്ഷിക്കാനുമൊക്കെ ഡ്രോണുകള്‍ പലപ്പോഴും ഉപയോഗിക്കാറുണ്ട്. ഇപ്പോഴിതാ വില കുറഞ്ഞ കാര്‍ഡ്‌ബോഡ് ഡ്രോണുകള്‍ വരെ യുക്രെയ്ന്‍ ഫലപ്രദമായി റഷ്യന്‍ സൈന്യത്തിനെതിരെ ഉപയോഗിക്കുന്നുവെന്ന് റിപ്പോര്‍ട്ട്.
/sathyam/media/post_attachments/LojInXzdDS1v6m5GbcX8.jpg "publive-image")
വലിയ വിലയും സാങ്കേതികിവിദ്യയും ഉപയോഗിക്കുന്ന ഡ്രോണുകള്‍ ഇതുപോലെ വളരെയെളുപ്പം നശിക്കുന്നത് പ്രതിരോധത്തിലുള്ള രാജ്യങ്ങള്‍ക്ക് താങ്ങാവുന്ന കാര്യമല്ല. ഈ പ്രശ്‌നത്തിനാണ് പുതിയൊരു പരിഹാരമാണ് കാര്‍ഡ്‌ബോഡുകൊണ്ടു നിര്‍മിക്കുന്ന ഡ്രോണുകള്‍. ഓരോ മാസവും കുറഞ്ഞത് 100 കാര്‍ഡ്‌ബോര്‍ഡ് ഡ്രോണുകളെങ്കിലും യുക്രെയ്‌നിലേക്ക് ഇറക്കുമതി ചെയ്യുന്നുവെന്നാണ് ദ ഓസ്‌ട്രേലിയന്‍ റിപ്പോര്‍ട്ടു ചെയ്യുന്നത്.
ബോംബുകള്‍ ഇടാനും യുദ്ധമേഖലയിലെ അവശ്യ സാധനങ്ങളുടെ വിതരണത്തിനും നിര്‍ണായക നിരീക്ഷണ പറക്കലുകള്‍ക്കുമൊക്കെ സെലെന്‍സ്‌കിയുടെ സേന കാര്‍ഡ്‌ബോര്‍ഡ് ഡ്രോണുകളെ ഉപയോഗിക്കുന്നുണ്ട്. സാധാരണ കാര്‍ഡ്‌ബോര്‍ഡ് ഒട്ടിക്കുന്ന പശയും ടേപ്പുമുണ്ടെങ്കില്‍ ഈ ഡ്രോണ്‍ കൂട്ടിയോജിപ്പിച്ച് പ്രവര്‍ത്തനക്ഷമമാക്കാനാവും. മൂന്നു കിലോഗ്രാം മുതല്‍ അഞ്ച് കിലോഗ്രാം വരെ ഭാരം വഹിക്കാന്‍ ഇവയ്ക്ക് സാധിക്കും. പരമാവധി 120 കിലോമീറ്റര്‍ വരെ ദൂരത്തേക്കും ഈ കാര്‍ഡ്‌ബോര്‍ഡ് ഡ്രോണ്‍ പറന്നെത്തും.
സാധാരണ പിസ ബോക്‌സിന്റെ വലുപ്പത്തിലേക്ക് ഈ ഡ്രോണുകളെ മടക്കിയൊതുക്കാന്‍ സാധിക്കും. ഇവയെ കയറ്റി അയക്കുന്ന ഒരു പെട്ടിയില്‍ 24 ഡ്രോണുകള്‍ വരെ കൊള്ളും. 670 ഡോളര്‍ മുതല്‍ 3350 ഡോളര്‍ വരെ മാത്രമാണ് ഇവയുടെ വില വരുന്നത്. എംക്യു 9 റീപ്പര്‍ പോലുള്ള ഡ്രോണുകള്‍ക്ക് 30 ദശലക്ഷം ഡോളര്‍ വരെ വില വരുമ്പോഴാണ് നിസാര വിലക്ക് ഓസ്‌ട്രേലിയന്‍ കമ്പനി യുക്രെയ്‌നു വേണ്ടി ഡ്രോണുകള്‍ നിര്‍മിച്ചു നല്‍കുന്നത്. റഡാറുകള്‍ക്ക് കാര്‍ഡ്‌ബോര്‍ഡ് ഡ്രോണുകളെ കണ്ടെത്തുക ബുദ്ധിമുട്ടാണെന്നത് ഇതിന്റെ സാധ്യതകള്‍ വര്‍ധിപ്പിക്കുന്നു.