പോക്കോ എഫ്5 5ജി സ്മാർട്ട്ഫോണിന്റെ ഇന്ത്യയിലെ വിൽപ്പന ആരംഭിച്ചു

പോക്കോ എഫ്5 5ജി സ്മാർട്ട്ഫോണിന്റെ ഇന്ത്യയിലെ വിൽപ്പന ആരംഭിച്ചു. അടുത്തിടെ രാജ്യത്ത് ലോഞ്ച് ചെയ്ത ഈ ഡിവൈസ് ആകർഷകമായ ഫീച്ചറുകൾ പായ്ക്ക് ചെയ്യുന്നു. ആദ്യ വിൽപ്പനയിൽ ഫോൺ വാങ്ങുന്നവർക്കായി മികച്ച ഓഫറുകളും പ്രഖ്യാപിച്ചിട്ടുണ്ട്. തിരഞ്ഞെടുത്ത ബാങ്ക് കാർഡുകളിൽ ഡിസ്കൌണ്ടും ലഭിക്കും. പോക്കോ എഫ്5 5ജി സ്മാർട്ട്ഫോണിന്റെ വിലയും ഓഫറുകളും വിശദമായി നോക്കാം.

പോക്കോ എഫ്5 5ജി സ്മാർട്ട്ഫോണിന്റെ 8 ജിബി റാമും 256 ജിബി സ്റ്റോറേജുമുള്ള വേരിയന്റിന് 29,999 രൂപയാണ് വില. 12 ജിബി റാമും 256 ജിബി സ്റ്റോറേജുമുള്ള മോഡലിന് 33,999 രൂപയാണ് വില. കാർബൺ ബ്ലാക്ക്, സ്നോസ്റ്റോം വൈറ്റ്, ഇലക്ട്രിക് ബ്ലൂ എന്നിങ്ങനെ മൂന്ന് കളർ വേരിയന്റുകളിൽ ഈ സ്മാർട്ട്ഫോൺ ലഭ്യമാണ്. ഈ രണ്ട് വേരിയന്റുകളും ഇപ്പോൾ യഥാക്രമം 26,999 രൂപയ്ക്കും 30,999 രൂപയ്ക്കും വാങ്ങാം. ഐസിഐസിഐ, എച്ച്ഡിഎഫ്‌സി, എസ്ബിഐ, ആക്‌സിസ് ക്രെഡിറ്റ്, ഡെബിറ്റ് കാർഡുകൾ എന്നിവയിൽ 3000 രൂപ കിഴിവ് ലഭിക്കും.

പോക്കോ എഫ്5 5ജി സ്മാർട്ട്ഫോണിൽ 68.7 ബില്യൺ കളറുകൾ നൽകുന്ന 12 ബിറ്റ് ഡിസ്‌പ്ലേ സാങ്കേതികവിദ്യയാണുള്ളത്. 120Hz റിഫ്രഷ് റേറ്റുള്ള 6.67 ഇഞ്ച് എക്സ്ഇൻഫിനിറ്റി പ്രോ അമോലെഡ് ഡിസ്‌പ്ലേയാണ് ഫോണിലുള്ളത്. ഡോൾബി വിഷൻ, എച്ച്‌ഡിആർ 10+, അഡാപ്റ്റീവ് എച്ച്‌ഡിആർ എന്നിവയും ഈ ഡിസ്പ്ലെ സപ്പോർട്ട് ചെയ്യുന്നുണ്ട്. ഗെയിമിങ്, വീഡിയോ സ്ട്രീമിങ് എന്നിവയ്ക്ക് മികച്ച ഡിസ്പ്ലെയാണ് ഇത്.

ക്വാൽകോം സ്നാപ്ഡ്രാഗൺ 7+ ജെൻ 2 പ്രോസസറിന്റെ കരുത്തിലാണ് പോക്കോ എഫ്5 5ജി സ്മാർട്ട്ഫോൺ പ്രവർത്തിക്കുന്നത്. ഈ ഡിവൈസിൽ വെർച്വൽ റാം സപ്പോർട്ടുണ്ട്. ഇത് വഴി 19 ജിബി വരെ റാമും എക്സപാൻഡ് ചെയ്യാം. 256 ജിബി സ്റ്റോറേജും ഈ ഡിവൈസിലുണ്ട്. ഫോണിലെ ചൂട് കുറയ്ക്കുന്നതിനായി 3725 എംഎം വേപ്പർ ചേമ്പറും 14 ലെയറുള്ള ഗ്രാഫൈറ്റ് ഷീറ്റുകളും ഈ ഡിവൈസിൽ പോക്കോ നൽകിയിട്ടുണ്ട്. ആൻഡ്രോയിഡ് 13 ഔട്ട്-ഓഫ്-ദി-ബോക്‌സ് ബേസ്ഡ് എംഐയുഐ 14ലാണ് ഫോൺ പ്രവർത്തിക്കുന്നത്.

മൂന്ന് പിൻക്യാമറകളുമായിട്ടാണ് പോക്കോ എഫ്5 5ജി വരുന്നത്. ഒഐഎസ് സപ്പോർട്ടുള്ള 64 എംപി പ്രൈമറി ക്യാമറ, 8 എംപി അൾട്രാ വൈഡ് ക്യാമറ, 2 എംപി മാക്രോ ക്യാമറ, 16 എംപി സെൽഫി ക്യാമറ എന്നിവ അടങ്ങുന്ന ട്രിപ്പിൾ ക്യാമറ സെറ്റപ്പാണ് ഈ ട്രിപ്പിൾ റിയർ ക്യാമറ സെറ്റപ്പിലുള്ളത്.2x ലോസ്‌ലെസ് ഇൻ-സെൻസർ സൂം ഫീച്ചറും ഫിലിം ക്യാമറ മോഡുകളും ഫോണിലുണ്ട്. സെൽഫികൾക്കും വീഡിയോ കോളുകൾക്കുമായി 16 മെഗാപിക്സൽ ഫ്രണ്ട് ക്യാമറയാണ് നൽകിയിട്ടുള്ളത്.