ഏറ്റവും പുതിയ ഹാൻഡ്സെറ്റുമായി വിവോ തായ്‌വാൻ വിപണിയിൽ, കൂടുതൽ വിവരങ്ങൾ അറിയാം

ആഗോള തലത്തിലുടനീളം ജനപ്രീതിയുള്ള ചൈനീസ് നിർമ്മാതാക്കളാണ് വിവോ. ഇത്തവണ ഏറ്റവും പുതിയ ഹാൻഡ്സെറ്റുമായി തായ്‌വാൻ വിപണിയിലാണ് വിവോ എത്തിയിരിക്കുന്നത്. 2021-ൽ അവതരിപ്പിച്ച മോഡലിന്റെ പരിഷ്കരിച്ച പതിപ്പായ വിവോ വൈ55എസ് (2023) സ്മാർട്ട്ഫോണാണ് തായ്‌വാൻ വിപണിയിൽ പുറത്തിറക്കിയിരിക്കുന്നത്.

പരിഷ്കരിച്ച പതിപ്പിൽ കിടിലൻ സവിശേഷതകൾ വിവോ ഉൾക്കൊള്ളിച്ചിട്ടുണ്ട്. വിവോ വൈ55എസ് (2023) സ്മാർട്ട്ഫോണുകളുടെ പ്രധാന ഫീച്ചറുകൾ പരിചയപ്പെടാം. 6.58 ഇഞ്ച് ഫുൾ എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 2,408×1,080 പിക്സൽ റെസല്യൂഷനും, 60 ഹെർട്സ് റിഫ്രഷ് റേറ്റും ലഭ്യമാണ്.

മീഡിയാടെക് ഡെമൻസിറ്റി 700 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 അടിസ്ഥാനപ്പെടുത്തിയുള്ളതാണ്. 18 വാട്സ് ചാർജിംഗ് ശേഷിയുളള 5,000 എംഎഎച്ച് ബാറ്ററിയാണ് നൽകിയിരിക്കുന്നത്.