ഉപയോക്താക്കളുടെ വിവരങ്ങൾ ചോർത്തുന്നുവെന്ന പരാതിയിൽ ഈ ആപ്പുകൾ നീക്കം ചെയ്‌തു

ജനപ്രിയ ആൻഡ്രോയ്‌ഡ് ആപ്പുകൾ ഗൂഗിൾ പ്ലേ സ്റ്റോറിൽ നിന്ന് നീക്കം ചെയ്തു. ഉപയോക്താക്കളുടെ വിവരങ്ങൾ ചോർത്തുന്നുവെന്ന പരാതിയെ തുടർന്നാണ് ഈ ആപ്പുകൾ നീക്കം ചെയ്തത്. സ്പിൻ ഓകെ എന്നറിയപ്പെടുന്ന സ്പൈവെയർ ഉപയോഗിച്ച് ഉപയോക്താക്കളുടെ ഉപകരണങ്ങളിലെ സ്വകാര്യ വിവരങ്ങൾ ശേഖരിച്ച് വിദൂര സെർവറുകളിലേക്ക് അയയ്ക്കുകയാണ് ഇത്തരം ആപ്പുകൾ ചെയ്യുന്നത്.

ഉപയോക്താക്കളെ കൂടുതൽ എൻഗേജ്‌ഡ് ആക്കുന്ന രീതിയിൽ രസകരമായ ഗെയിമുകൾ,​ സമ്മാനങ്ങളും റിവാർഡുകളും നേടാൻ സാധിക്കുന്ന രീതിയിലുള്ള ടാസ്കുകൾ എന്നിവ ഉൾക്കൊള്ളിച്ചാണ് ഇത്തരം ആപ്പുകളുടെ ഇന്റർഫേസുകൾ രൂപകല്പന ചെയ്തിട്ടുള്ളത്. എന്നാൽ ഇതിന്റെ മറവിൽ ഉപയോക്താക്കളുടെ എല്ലാ പ്രവർത്തനങ്ങളും ട്രാക്ക് ചെയ്യുകയാണ് ഈ ആപ്പുകൾ ചെയ്യുന്നത്.

ഇത്തരത്തിൽ 101 ആൻഡ്രോയ്‌ഡ് ആപ്പുകളിൽ സ്പൈ വെയറുകൾ ഉണ്ടെന്നാണ് റിപ്പോർട്ട് . ഈ ലിസ്റ്റിൽ ഏറ്റവും കൂടുതൽ ഡൗൺലോഡ് ചെയ്ത ആപ്പുകളാണ് Noizz, Zapya,VFly, MVBit, Biugo, Crazy Drop, Cashzine, Fizzo Novel, CashEM, Tick, Vibe Tik, Mission Guru, Lucky Jackpot Pusher, Domino Master എന്നിവ. നേരത്തെയും അപകടകരമായ മാൽവെയർ പ്രചരിപ്പിച്ചതിനെ തുടർന്ന് 36 ആപ്പുകൾ ഇതിന് മുൻപ് ഗൂഗിൾ പ്ലേ സ്റ്റോറിൽ നിന്ന് നീക്കം ചെയ്തിരുന്നു.