07
Sunday August 2022
തിരുവനന്തപുരം

ഓർഡിനറി സർവ്വീസുകൾ നിർത്തലാക്കുന്നത് ജനദ്രോഹം: എംപ്ലോയീസ് സംഘ്

ന്യൂസ് ബ്യൂറോ, തിരുവനന്തപുരം
Saturday, August 6, 2022

തിരുവനന്തപുരം: ഡീസൽ ക്ഷാമത്തിൻ്റെ പേരിൽ കെഎസ്ആർടിസിയുടെ ഓർഡിനറി സർവ്വീസുകൾ പൂർണ്ണമായും നിർത്തലാക്കാനുള്ള തീരുമാനം സർക്കാർ അടിയന്തിരമായി പിൻവലിക്കണം. ജീവനക്കാരുടെ ശമ്പളത്തിനായി തുക കണ്ടെത്താനായി പെട്രോളിയം കമ്പനികൾക്ക് കുടിശിക വരുത്തി ആസൂത്രിതമായി ഡീസൽ ക്ഷാമം സൃഷ്ടിക്കുന്ന നടപടി ദുരുദ്ദേശപരമാണ്.

ശമ്പള വിഷയത്തിൽ ജീവനക്കാരുടെ പ്രതിക്ഷേധ സമരങ്ങളെ പൊതു സമൂഹം ഒന്നടങ്കം പിന്തുണച്ചതിൻ്റെ പ്രതികാരമായി ഓർഡിനറി സർവ്വീസുകൾ വെട്ടിക്കുറക്കുകയോ, പൂർണ്ണമായി നിർത്തലാക്കുകയോ ചെയ്യുന്നത് ഒരു ജനകീയ സർക്കാരിനും ഭൂഷണമല്ല.

ഒന്നുകിൽ തൊഴിലാളി വിരുദ്ധം, അല്ലെങ്കിൽ ജനദ്രോഹം എന്ന നയം തിരുത്താൻ സർക്കാർ തയ്യാറാവണം. കഴിഞ്ഞ മാസങ്ങളിലെല്ലാം ശമ്പളത്തിനും, ഡീസലിനും സ്ഥാപനത്തിൻ്റെ മറ്റു പ്രവർത്തന ചെലവുകൾക്കും അധികമായ തുക വരുമാനമുണ്ടായിട്ടും ജൂലൈ മാസത്തെ ശമ്പളം ഇതേ വരെ നൽകാത്തത് നീതിയല്ല.

ശമ്പള വിഷയത്തിൽ കോടതി പരാമർശങ്ങളെ വെല്ലുവിളിക്കുന്ന സമീപനമാണ് സർവ്വീസുകൾ നിർത്തലാക്കിക്കൊണ്ട് സർക്കാർ സ്വീകരിക്കുന്നത്. ഒന്നുകിൽ ശമ്പളം അല്ലെങ്കിൽ ഡീസൽ എന്ന സമീപനത്തിലൂടെ യാത്രക്കാരെ ജീവനക്കാർക്ക് എതിരാക്കാനുള്ള തന്ത്രം വിലപ്പോവില്ല.

പൊതുഗതാഗതം ഇല്ലാതാക്കി പൊതുജനത്തെ ബന്ദിയാക്കാനുള്ള സർക്കാർ ശ്രമത്തിനെതിരെ പ്രതിഷേധം ശക്തമാവുകയാണ്. ആവശ്യത്തിന് വരുമാനമുണ്ടായിട്ടും ശമ്പളം നൽകാത്തതിൻ്റെ പേരിൽ ജീവനക്കാർ അനിശ്ചിതകാല പണിമുടക്കിലേക്ക് പോകാതിരുന്നിട്ടും, സർവീസുകൾ ഏകപക്ഷീയമായി നിർത്തിവച്ച് സ്ഥാപനത്തെ നിശ്ചലമാക്കാനുള്ള സർക്കാർ നയം അംഗീകരിക്കാനാവില്ല.

ഓർഡിനറി സർവ്വീസുകൾ വെട്ടിക്കുറക്കുന്നത് കെ എസ് ആർ ടി സിയുടെ റൂട്ട് കച്ചവടത്തിൻ്റെ മുന്നോടിയാണെന്ന സംശയം ബലപ്പെടുകയാണ്. ഇടതുപക്ഷം പ്രകടനപത്രികയിൽ നൽകിയ വാഗ്ദാനം നടപ്പിലാക്കി കെ എസ് ആർ ടി സിയുടെ 3170 കോടി രൂപയുടെ കടം ഏറ്റെടുക്കാനും, കെഎസ്ആർടിസി വാഹനങ്ങളിൽ നിറക്കുന്ന ഡീസലിന് നികുതി ഒഴിവാക്കിയും, അടിയന്തിര സഹായമായി 400 കോടി രൂപയുടെ സാമ്പത്തിക പാക്കേജ് അനുവദിച്ചും കെഎസ്ആർടിസിയെ നിലനിർത്തി പൊതുഗതാഗത സൗകര്യം പാവപ്പെട്ട ജനങ്ങൾക്ക് തുടർന്നും ലഭ്യമാകാൻ സർക്കാർ അടിയന്തിര ഇടപെടൽ നടത്തണം.

ഡീസൽ ക്ഷാമത്തിൻ്റെ പേരിൽ ഓർഡിനറി സർവ്വീസുകൾ നിർത്തലാക്കാനുള്ള തീരുമാനം പിൻവലിക്കണമെന്നും ജീവനക്കാരുടെ ജൂലൈ മാസത്തെ ശമ്പളം അടിയന്തിരമായി വിതരണം ചെയ്യണമെന്നും എംപ്ലോയീസ് സംഘ് ആവശ്യപ്പെടുന്നു.

More News

കുവൈറ്റ് സിറ്റി: കുവൈറ്റിലെ ഇന്ത്യൻ എംബസി, കുവൈറ്റിലെ വിവിധ ഇന്ത്യൻ ഹൈപ്പർമാർക്കറ്റുകളുമായും ടെക്സ്റ്റൈൽ സ്റ്റോറുകളുമായും സഹകരിച്ച് ദേശീയ കൈത്തറി ദിനം ആഘോഷിച്ചു. സ്ഥാനപതി സിബി ജോര്‍ജ് നേതൃത്വം നല്‍കി. ഇന്ത്യയിലെ ഊർജ്ജസ്വലമായ കൈത്തറി വ്യവസായം ഇന്ത്യയുടെ സാംസ്കാരിക സമ്പന്നതയെയും വൈവിധ്യത്തെയും പ്രതിഫലിപ്പിക്കുന്നു. ഇന്ത്യൻ കൈത്തറി പുരാതന കാലം മുതൽ അറിയപ്പെടുന്നു. ഇന്ത്യയിലെ കൈത്തറി വ്യവസായത്തിന് മികച്ച കരകൗശലത്തിന്റെ ഒരു നീണ്ട പാരമ്പര്യമുണ്ട്. ഇന്ത്യയിലെ ഓരോ പ്രദേശത്തിനും അതിന്റേതായ ടെക്സ്റ്റൈൽ പാരമ്പര്യമുണ്ട്. വൈവിധ്യമാര്‍ന്ന തരത്തില്‍ കൈത്തറി ഇന്ത്യയിലെ എല്ലാ […]

ബര്‍മിങ്ഹാം: കോമണ്‍വെല്‍ത്ത് ഗെയിംസില്‍ ഇന്ത്യയ്ക്ക് പതിനെട്ടാം സ്വര്‍ണം. ടേബിള്‍ ടെന്നീസ് മിക്‌സഡ് ഡബിള്‍സിലാണ് ഇന്ത്യയുടെ നേട്ടം. ശരത് കമല്‍-ശ്രീജ അകുല സഖ്യം ഫൈനലില്‍ മലേഷ്യയെ 3-1ന് പരാജയപ്പെടുത്തിയാണ് സ്വര്‍ണം സ്വന്തമാക്കിയത്.

ജിദ്ദ: മൂന്ന് വർഷങ്ങൾക്ക് മുമ്പ് ഇന്ത്യൻ ഭരണഘടനയിൽ നിന്ന് ജമ്മു കശ്മീരിന് പ്രത്യേക പദവി നൽകുന്ന ആർട്ടിക്കിൾ 370 എടുത്തുകളയുകയും ജമ്മു കശ്മീർ, ലഡാക്ക് എന്നിങ്ങനെ കേന്ദ്രഭരണ പ്രദേശമാക്കി പുനഃക്രമീകരിക്കുകയും ചെയ്ത ശേഷം അവിടെയുണ്ടായിക്കൊണ്ടിരിക്കുന്ന വികസനപരവും ജനോപകാരപ്രദവുമായ കാര്യങ്ങൾ ഉയർത്തിക്കാട്ടി ജിദ്ദയിൽ അരങ്ങേറിയ “കശ്മീർ വെബിനാർ” കേന്ദ്രത്തിലെ എൻ ഡി എ സർക്കാർ കൈകൊണ്ട ചരിത്രപരമായ തീരുമാനം കശ്‌മീരിനും കാശ്മീരികൾക്കും വലിയ അനുഗ്രഹമായെന്ന് സമർത്ഥിച്ചു. ജമ്മു കശ്മീരിൽ ഉണ്ടായിക്കൊണ്ടിരിക്കുന്ന വിവിധ മേഖലകളിലെ വികസനങ്ങളും അതുവഴി ജനങ്ങളുടെ സമീപനങ്ങളിൽ […]

എഡ്ജ്ബാസ്റ്റണ്‍: കോമണ്‍വെല്‍ത്ത് ഗെയിംസ് വനിതാ ക്രിക്കറ്റില്‍ ഫൈനല്‍ പോരാട്ടത്തില്‍ ഇന്ത്യയെ പരാജയപ്പെടുത്തി ഓസ്‌ട്രേലിയ സ്വര്‍ണം സ്വന്തമാക്കി. അവസാന നിമിഷം വരെ ഇന്ത്യയ്ക്ക് വിജയപ്രതീക്ഷയുണ്ടായിരുന്ന മത്സരം, ഒടുവില്‍ ഓസീസ് ബൗളര്‍മാര്‍ പിടിച്ചെടുക്കുകയായിരുന്നു. സ്‌കോര്‍: ഓസ്‌ട്രേലിയ 20 ഓവറില്‍ എട്ട് വിക്കറ്റിന് 161, ഇന്ത്യ 19.3 ഓവറില്‍ 152 ഓള്‍ ഔട്ട്. 41 പന്തില്‍ 61 റണ്‍സെടുത്ത ബെത്ത് മൂണിയാണ് ഓസ്‌ട്രേലിയയെ മികച്ച സ്‌കോറിലെത്തിച്ചത്. ഇന്ത്യയ്ക്ക് വേണ്ടി രേണുക സിങും, സ്‌നേഹ് റാണയും രണ്ട് വിക്കറ്റ് വീതവും, ദീപ്തി ശര്‍മയും, […]

തിരുവനന്തപുരം: കേശവദാസപുരത്ത് 60കാരിയെ മരിച്ച നിലയില്‍ കണ്ടെത്തി. മനോരമ എന്ന സ്ത്രീയാണ് മരിച്ചത്. സമീപത്തെ വീട്ടിലെ കിണറ്റില്‍ നിന്നാണ് മൃതദേഹം കണ്ടെത്തിയത്. ഇവരെ കാണാനില്ലെന്ന പരാതിയെ തുടർന്ന് നടത്തിയ തെരച്ചിലിനിടെയാണ് മൃതദേഹം കിട്ടിയത്. കാലുകൾ കെട്ടിയിട്ട നിലയിലായിരുന്നു മൃതദേഹം. ഇവരുടെ വീടിന് സമീപത്ത് താമസിച്ചിരുന്ന ഒരു ഇതരസംസ്ഥാന തൊഴിലാളിയെ കാണാതായിട്ടുണ്ട്. ഇയാൾക്ക് ഒപ്പം താമസിക്കുന്ന മൂന്ന് പേർ പൊലീസ് കസ്റ്റഡിയിലാണ്.

ഫ്‌ളോറിഡ: അഞ്ചാം ടി20യില്‍ വിന്‍ഡീസിനെ 88 റണ്‍സിന് തകര്‍ത്ത് ഇന്ത്യ 4-1ന് പരമ്പര സ്വന്തമാക്കി. ടോസ് നേടി ബാറ്റിങ് തിരഞ്ഞെടുത്ത ഇന്ത്യ 20 ഓവറില്‍ ഏഴ് വിക്കറ്റിന് 188 റണ്‍സെടുത്തു. വിന്‍ഡീസ് 15.4 ഓവറില്‍ 100 റണ്‍സിന് പുറത്തായി. 40 പന്തില്‍ 64 റണ്‍സെടുത്ത ശ്രേയസ് അയ്യരാണ് ഇന്ത്യയുടെ ടോപ് സ്‌കോറര്‍. ഇഷന്‍ കിഷന്‍-11, ദീപക് ഹൂഡ-38, സഞ്ജു സാംസണ്‍-15, ഹാര്‍ദ്ദിക് പാണ്ഡ്യ-28, ദിനേശ് കാര്‍ത്തിക്-12, അക്‌സര്‍ പട്ടേല്‍-9, ആവേശ് ഖാന്‍-1 നോട്ടൗട്ട് എന്നിങ്ങനെയാണ് മറ്റുള്ളവരുടെ പ്രകടനം. […]

പട്‌ന: എന്‍ഡിഎയുമായി പിണങ്ങി നില്‍ക്കുന്ന ബിഹാര്‍ മുഖ്യമന്ത്രിയും ജെഡിയു നേതാവുമായ നിതീഷ് കുമാര്‍ സോണിയാ ഗാന്ധി അടക്കമുള്ള പ്രതിപക്ഷ നേതാക്കളുമായി സംസാരിച്ചതായി റിപ്പോര്‍ട്ട്. ഇതിന് പിന്നാലെ ജെഡിയു എംപിമാരെ നിതീഷ് പട്‌നയിലേക്ക് വിളിപ്പിച്ചു. ബിഹാറിലെ രാഷ്ട്രീയ വിഷയങ്ങളെ ചൊല്ലി എന്‍ഡിഎയുമായി ഇടഞ്ഞു നില്‍ക്കുകയാണ് ജെഡിയു. ഇന്ന് പ്രധാനമന്ത്രിയുടെ അധ്യക്ഷതയിൽ വിളിച്ചു ചേർത്ത നിതി ആയോഗ് യോഗത്തിൽ നിന്നടക്കം അദ്ദേഹം വിട്ടു നിന്നിരുന്നു.

കുവൈറ്റ് സിറ്റി: വ്യാഴം, ശനി ഗ്രഹങ്ങളുടെ അപൂര്‍വ സംഗമത്തിന് ഇന്ന് കുവൈറ്റ് സാക്ഷിയാകും. രാത്രി 10 മുതല്‍ സൂര്യോദയം വരെയുള്ള സമയങ്ങളിലാണ് ഈ അപൂര്‍വ പ്രപഞ്ച വിസ്മയത്തിന് കുവൈറ്റിന്റെ ആകാശം സാക്ഷിയാവുകയെന്ന് അൽ ഉഐജീരി സയന്റിഫിക്‌ സെന്റർ അറിയിച്ചു. നഗ്ന നേത്രങ്ങൾ കൊണ്ട്‌ ഇത് കാണാം. കാഴ്ചയില്‍ ഇരു ഗ്രഹങ്ങളും ചേർന്ന് നിൽക്കുന്നതായി തോന്നാമെങ്കിലും ഏകദേശം 60 കോടി കിലോമീറ്ററുകൾ അകലെയാണു ഇവ തമ്മിലുള്ള ദൂരം എന്ന് കേന്ദ്രത്തിലെ പബ്ലിക് റിലേഷൻസ് ആൻഡ് മീഡിയ ഡയറക്ടർ ഖാലിദ് […]

കോഴിക്കോട്: പന്തിരിക്കരയില്‍ സ്വര്‍ണ്ണക്കടത്ത് സംഘം തട്ടിക്കൊണ്ടുപോയി കൊലപ്പെടുത്തിയ ഇര്‍ഷാദിന്‍റെ മൃതദേഹാവശിഷ്ടം ബന്ധുക്കൾ ഏറ്റുവാങ്ങി സംസ്ക്കരിച്ചു.  മേപ്പയൂർ സ്വദേശി ദീപക്കിന്‍റേതെന്ന് കരുതി ബന്ധുക്കൾ ഏറ്റുവാങ്ങി സംസ്കരിച്ച മൃതദേഹമാണ് ഇർഷാദിന്‍റേതാണെന്ന് തെളിഞ്ഞതിനെ തുടർന്ന് ബന്ധുക്കള്‍ക്ക് കൈമാറിയത്. കാണാതായ ദീപക്കിന്റേതെന്ന് കരുതി ഇർഷാദിന്റെ മൃതദേഹം ബന്ധുക്കൾ സംസ്കരിച്ചിരുന്നു. എന്നാൽ ഡി എൻ എ പരിശോധനയിൽ മൃതദേഹം ദീപക്കിന്റേതല്ലെന്നും ഇർഷാദിന്റേതാണെന്നും വ്യക്തമായി. പിന്നാലെയാണ് വടകര ആർ ഡി ഒയുടെ നേൃത്വത്തിൽ ഇർഷാദിന്റെ മൃതദേഹാവശിഷ്ടങ്ങൾ ബന്ധുക്കൾക്ക് കൈമാറിയത്.

error: Content is protected !!