കൊവിഡ് നിയന്ത്രണങ്ങള്‍ മൂലം പൊതുദര്‍ശനം ഒഴിവാക്കി; അറ്റ്‌ലസ് രാമചന്ദ്രന് ദുബായ് വിട നല്‍കി

ദുബായ്: പ്രമുഖ വ്യവസായി അറ്റ്‌ലസ് രാമചന്ദ്രന്റെ സംസ്‌കാരം ദുബായില്‍ നടന്നു. കൊവിഡ് സ്ഥിരീകരിച്ചിരുന്നതിനാല്‍ പൊതുദര്‍ശനം ഒഴിവാക്കിയിരുന്നു. ജബലലി ക്രിമറ്റോറിയത്തിലായിരുന്നു സംസ്കാരചടങ്ങുകൾ. സഹോദരൻ രാമപ്രസാദ് ആണ് അന്ത്യകര്‍മങ്ങൾ ചെയ്തത്.

ഹൃദയാഘാതത്തെ തുടര്‍ന്ന് ദുബായിലെ ആസ്റ്റര്‍ മന്‍ഖൂല്‍ ആശുപത്രിയില്‍ വെച്ച് ഞായറാഴ്ച രാത്രിയായിരുന്നു അദ്ദേഹത്തിന്റെ നിര്യാണം. ഭാര്യ ഇന്ദു രാമചന്ദ്രൻ, മകള്‍ ഡോ. മഞ്ജു രാമചന്ദ്രൻ, പേരക്കുട്ടികളായ ചാന്ദിനി, അർജുൻ എന്നിവർ മരണ സമയത്ത് ഒപ്പമുണ്ടായിരുന്നു.