അബുദാബി ബിഗ് ടിക്കറ്റ്: പ്രവാസി മലയാളിക്ക് 44 കോടി രൂപ സമ്മാനം

ദുബായ്: അബുദാബിയിലെ ബിഗ് ടിക്കറ്റ് റാഫിൾ നറുക്കെടുപ്പിൽ പ്രവാസി മലയാളിക്ക് 44 കോടി രൂപ സമ്മാനം. ദുബായില്‍ പ്രവര്‍ത്തിക്കുന്ന കെ.പി. പ്രദീപിനാണ് 20 മില്യണ്‍ ദിര്‍ഹം സമ്മാനം ലഭിച്ചത്. 'മൈറ്റി 20 മില്യൺ സീരീസ് 244' നറുക്കെടുപ്പിലാണ് പ്രദീപ് കോടിപതിയായത്.

സെപ്റ്റംബർ 13-ന് വാങ്ങിയ 064141 നമ്പറിലുള്ള ടിക്കറ്റാണ് പ്രദീപിന് ഭാഗ്യം എത്തിച്ചത്. സമ്മാനം ലഭിച്ച വിവരം അറിയിക്കാന്‍ ബിഗ് ടിക്കറ്റ് അധികൃതര്‍ വിളിച്ചപ്പോള്‍ താന്‍ നൈറ്റ് ഡ്യൂട്ടിയിലാണെന്നായിരുന്നു പ്രദീപിന്റെ മറുപടി. നറുക്കെടുപ്പിലെ മിക്ക സമ്മാനങ്ങളും ഇന്ത്യക്കാര്‍ക്കാണ്.