ദുബായില്‍ ടാങ്കര്‍ ലോറി മറിഞ്ഞ് മലയാളി യുവാവിന് ദാരുണാന്ത്യം

ദുബായ്: ദുബായില്‍ ടാങ്കര്‍ ലോറി മറിഞ്ഞ് മലയാളി യുവാവ് മരിച്ചു. തിരുവനന്തപുരം ആഴൂർ കൊളിച്ചിറ പുത്തൻ ബംഗ്ലാവിൽ നിഖിലാണ്​ (27) മരിച്ചത്​. വളവ് തിരിയുന്നതിനിടെ നിയന്ത്രണം വിട്ടാണ് ടാങ്കര്‍ ലോറി മറിഞ്ഞത്. നിഖില്‍ വെള്ളം കൊണ്ടുപോകുന്ന ടാങ്കര്‍ ലോറിയിലെ ജീവനക്കാരനായിരുന്നു. പഞ്ചാബ് സ്വദേശിയാണ് വാഹനമോടിച്ചതെന്നാണ് റിപ്പോര്‍ട്ട്. പിതാവ്​: പ്രസന്നൻ. മാതാവ്​: ലീല. ഭാര്യയും ഒന്നര വയസുള്ള കുട്ടിയുമുണ്ട്.