ഡോ. മൻഹർ പരേക്ക് ഡിട്രോയിറ്റിൽ നിര്യാതനായി

മിഷിഗൺ: ഡോ. മൻഹർ പരേക്ക് (88) നിര്യാതനായി. ഗുജറാത്ത് സ്വദേശിയായ ഡോ. മൻഹർ പരേക്ക് രസതന്ത്രത്തിൽ ഡോക്ടറേറ്റ് നേടി എച്ച്. ബി. ഫുള്ളർ എന്ന സ്ഥാപനത്തിലെ ദീർഘകാല സേവനത്തിനു ശേഷം മിഷിഗണിലെ വാറൻ സിറ്റിയിൽ വിശ്രമജീവിതം നയിക്കുകയായിരുന്നു. ഡിട്രോയിറ്റ് മാർത്തോമ്മ ഇടവക അംഗമായ ഡോ. പരേക്കിന്റെ പൊതുദർശനം ഒക്ടോബർ 14 വെള്ളിയാഴ്ച വൈകിട്ട് 6 മണിക്കും ശവസംസ്കാര ശുശ്രൂഷകൾ ഒക്ടോബർ 15 ശനിയാഴ്ച രാവിലെ 9 മണിക്കും ഡിട്രോയിറ്റ് മാർത്തോമ്മ പള്ളിയിലും വൈറ്റ് ചാപ്പൽ സെമിത്തേരിയിലും വെച്ചു നടക്കും.

മുളക്കുഴ മക്കാട്ടിൽ കുടുംബാംഗമായ ഏലിയാമ്മ പരേക്കാണ് പത്‌നി. മക്കൾ: ഡോ. അനിത വാട്ടർഫോർഡ്, ആൻജിന ജാക്‌സൺ മരുമക്കൾ: ഡോ. റാണ്ടി വാട്ടർഫോർഡ്, ഗ്രെയ്‌ഗ്‌ ജാക്‌സൺ. കൊച്ചുമക്കൾ: അമീറ, ലീല, ജയ്‌ഡൻ, ജയ, ജീവൻ. സഹോദരങ്ങൾ: ഹിരാബൻ സോണി, ബ്രിജ് പരേക്ക്, പരേതനായ മൻമോഹൻ പരേക്ക്. കൂടുതൽ വിവരങ്ങൾക്ക് ഡോ. അനിത വാട്ടർഫോർഡ് 505-417-3858.