കാ​റി​ൽ 31 കി​ലോ ക​ഞ്ചാ​വ് ക​ട​ത്തി​യ സംഭവം; വയനാട് പ്ര​തി​ക്ക് 10 വ​ർ​ഷം ത​ട​വും പിഴയും

ക​ൽ​പ​റ്റ: ക​ഞ്ചാ​വ് കേ​സി​ൽ പ്രതിക്കെതിരെ നടപടിയെടുത്ത് കോടതി. പ്ര​തി​ക്ക് 10 വ​ർ​ഷം ത​ട​വും ഒ​രു​ല​ക്ഷം രൂ​പ പി​ഴ​യും ശി​ക്ഷ വിധിച്ചു. ക​ണ്ണൂ​ർ കൂ​ടാ​ളി നാ​ര​ങ്ങോ​ലി വീ​ട്ടി​ലെ നീ​ര​ജി(26)നെയാണ് കോടതി ശിക്ഷിച്ചത്. എ​ൻ.​ഡി.​പി.​എ​സ് സ്പെ​ഷ​ൽ കോ​ട​തി (ര​ണ്ട് ) ജ​ഡ്ജി അ​നി​ൽ​കു​മാ​ർ ആണ് ശി​ക്ഷ വി​ധി​ച്ച​ത്.

2018 ജൂ​ണി​ൽ തോ​ൽ​പ്പെ​ട്ടി ചെ​ക്ക്പോ​സ്റ്റി​ൽ വെ​ച്ച് 31 കി​ലോ ക​ഞ്ചാ​വ് കാ​റി​ൽ ക​ട​ത്തി​യ കേ​സി​ലെ പ്ര​തി​ക​ളി​ലൊ​രാ​ളാ​ണ് നീ​ര​ജ്. അ​ന്ന​ത്തെ മാ​ന​ന്ത​വാ​ടി എ​ക്സൈ​സ് റേ​ഞ്ച് ഇ​ൻ​സ്പെ​ക്ട​റാ​യി​രു​ന്ന എം.​കെ. സു​നി​ലും സം​ഘ​വും ചേ​ർ​ന്നാണ് പി​ടി​കൂ​ടി​യത്.

സ​ർ​ക്കാ​റി​ന് വേ​ണ്ടി അ​ഡീ​ഷ​നൽ പ​ബ്ലി​ക്ക് പ്രോ​സി​ക്യൂ​ട്ട​ർ സു​രേ​ഷ് കു​മാ​ർ ഹാ​ജ​രാ​യി. ര​ണ്ടാം പ്ര​തി യാ​സ​ർ അ​റ​ഫ​ത്തി​ന്റെ വി​ധി വ​രും ദി​വ​സ​ങ്ങ​ളി​ൽ കോ​ട​തി പ്ര​ഖ്യാ​പി​ക്കും.