സുല്‍ത്താന്‍ബത്തേരിയിൽ കാട്ടാനയിറങ്ങിയ സംഭത്തിൽ; പ്രദേശത്തെ പത്ത് വാര്‍ഡുകളില്‍ നിരോധനാജ്ഞ

വയനാട്: കാട്ടാനയിറങ്ങിയതിനെ തുടര്‍ന്ന് വയനാട് സുല്‍ത്താന്‍ബത്തേരി നഗരസഭയിലെ പത്ത് വാര്‍ഡുകളില്‍ നിരോധനാജ്ഞ പ്രഖ്യാപിച്ചു. സബ് കളക്ടര്‍ ആര്‍. ശ്രീലക്ഷ്മിയാണ് നിരോധനാജ്ഞ പ്രഖ്യാപിച്ചത്.

4, 6, 9, 10, 15, 23, 24, 32, 34, 35 എന്നീ വാര്‍ഡുകളിലാണ് നിരോധനാജ്ഞ. ഇന്നലെ ഉച്ച മുതല്‍ കൃഷിയിടങ്ങളില്‍ ഉണ്ടായിരുന്ന കാട്ടാന ഇന്ന് പുലര്‍ച്ചയോടെ അക്രമാസക്തമായിരുന്നു. സു​ൽ​ത്താ​ൻ ബ​ത്തേ​രി ന​ഗ​ര​മ​ധ്യ​ത്തി​ൽ ഇ​ന്നു രാവിലെയാ​ണ് കാ​ട്ടാ​ന​യി​റ​ങ്ങിയത്. ഇ​ര​ളം ഫോ​റ​സ്റ്റ് സെ​ക്ഷ​നി​ലെ വ​ന​ഭാ​ഗ​ത്തു നി​ന്നാ​ണ് കാ​ട്ടാ​ന​യെ​ത്തി​യ​തെ​ന്നാ​ണ് സൂചന.

ന​ഗ​ര​മ​ധ്യ​ത്തി​ൽ ഏ​റെ നേ​രം ചുറ്റിത്തിരിഞ്ഞ കാ​ട്ടാ​ന ചു​റ്റും ഭീ​തി പ​ര​ത്തി. ന​ട​പ്പാ​ത​യി​ലൂ​ടെ ന​ട​ന്നു പോ​കു​ക‌​യാ​യി​രു​ന്ന വൃ​ദ്ധ​ന് നേ​രെ കാ​ട്ടാ​ന പാ​ഞ്ഞെ​ത്തി. ത​ല​നാ​ഴി​ര​യ്ക്കാ​ണ് ഇയാൾ രക്ഷപ്പെട്ടത്. വീ​ണു​പോ​യ വൃ​ദ്ധ​നെ ആ​ന ച​വി​ട്ടാ​ൻ ഒ​രു​ങ്ങി​യെ​ങ്കി​ലും ന​ട​പ്പാ​ത​യി​ലെ കൈ​വ​രി ത​ട​സ​മാ​യ​തു​കൊ​ണ്ടു ന​ട​ന്നി​ല്ല. വീഴ്ചയിൽ പ​രു​ക്കേ​റ്റ ഇ​ദ്ദേ​ഹ​ത്തെ ബ​ത്തേ​രി താ​ലൂ​ക്ക് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.

മാത്രമല്ല, ഓ​ടി​ക്കൊ​ണ്ടി​രു​ന്ന കെ​എ​സ്ആ​ര്‍​ടി​സി ബ​സി​നു പി​ന്നാ​ലെ​യും കാ​ട്ടാ​ന ഓ​ടി. ഒ​രു​മ​ണി​ക്കൂ​റോ​ളം ന​ഗ​ര​ത്തി​ൽ ഭീ​തി വി​ത​ച്ച കാ​ട്ടാ​ന​യെ നാ​ട്ടു​കാ​രും വ​ന​പാ​ല​ക​രും ചേ​ർ​ന്നാണ് കാ​ട്ടി​ലേ​ക്ക് തു​ര​ത്തിയത്.

സമീപത്തെ കാട്ടിലേക്ക് കയറിയ ആന ഏതു സമയത്തും ജനവാസ മേഖലയില്‍ ഇറങ്ങാനുള്ള സാധ്യത കണക്കിലെടുത്താണ് വനം വകുപ്പ് മുന്‍കരുതലുകള്‍ സ്വീകരിക്കുന്നത്.

ഗൂഡല്ലൂരില്‍ ഒരുമാസം മുമ്പ് പിടികൂടി റേഡിയോ കോളര്‍ ഘടിപ്പിച്ചുകൊണ്ട് ഉള്‍ക്കാട്ടിലേക്ക് വിട്ട കാട്ടാനയാണിത്. ഗൂഡല്ലൂരില്‍ നേരത്തെ രണ്ട് പേരെ കൊലപ്പെടുത്തിയ ആന 50 വീടുകളും തകര്‍ത്തിരുന്നു.