30
Friday September 2022
Women

സ്തനാർബുദം; അറിയാം ഭക്ഷണത്തിലെ അശ്രദ്ധ എങ്ങിനെ സ്തനാര്‍ബുദത്തിലേക്ക് നയിക്കുന്നുവെന്ന്

ഹെല്‍ത്ത് ഡസ്ക്
Sunday, July 24, 2022

സ്ത്രീകളിൽ കണ്ട് വരുന്ന അർബുദങ്ങളിലൊന്നാണ് സ്തനാർബുദം. ജീവിതശൈലീ രോഗങ്ങളുടെ പട്ടികയിൽ ആണ് സ്തനാർബുദത്തെ ഇന്ന് ഡോക്ടർമാർ ഉൾപ്പെടുത്തിയിരിക്കുന്നത്. 2020-ൽ 2.3 ദശലക്ഷം സ്ത്രീകൾക്ക് സ്തനാർബുദം ഉണ്ടെന്ന് കണ്ടെത്തുകയും 6,85,000 മരണങ്ങൾ ആഗോളതലത്തിൽ റിപ്പോർട്ട് ചെയ്യുകയും ചെയ്തു.

നമ്മള്‍ കഴിക്കുന്ന ഭക്ഷണം എന്താണോ, അതുതന്നെയാണ് വലിയൊരു പരിധി വരെ നമ്മെ നിര്‍ണയിക്കുന്നത്. പല അസുഖങ്ങള്‍ക്കും ആരോഗ്യാവസ്ഥകള്‍ക്കുമെല്ലാം നാം കഴിക്കുന്ന ഭക്ഷണങ്ങള്‍ കാരണമാകാറുണ്ട്. അതുപോലെ തന്നെ ചില ആരോഗ്യപരമായ വിഷമതകള്‍ പരിഹരിക്കാനും അസുഖങ്ങള്‍ക്ക് ആശ്വാസം പകരാനും സഹായിക്കുന്ന ഭക്ഷണങ്ങളുമുണ്ട്.

ഇത്തരത്തില്‍ ഡയറ്റ് നമ്മുടെ ആരോഗ്യത്തില്‍ വലിയ പങ്ക് തന്നെ വഹിക്കുന്നുവെന്ന് പറയാം. ഇതുമായി ചേര്‍ത്തുവായിക്കാവുന്നൊരു പഠനറിപ്പോര്‍ട്ടിനെ കുറിച്ചാണിനി പങ്കുവയ്ക്കുന്നത്. ‘അമേരിക്കൻ സൊസൈറ്റി ഫോര്‍ ന്യൂട്രീഷ്യൻ’ നടത്തിയ ‘ന്യൂട്രീഷ്യൻ 2022 ലൈവ് ഓണ്‍ലൈൻ’ പ്രോഗ്രാമിലാണ് ഫ്രാൻസില്‍ നിന്നുള്ള വിദഗ്ധരുടെ ഈ പഠനറിപ്പോര്‍ട്ട് അവതരിപ്പിക്കപ്പെട്ടത്.

അനാരോഗ്യകരമായ ഭക്ഷണം ദീര്‍ഘനാളത്തേക്ക് കഴിക്കുന്നത് സ്ത്രീകളില്‍ സ്തനാര്‍ബുദത്തിന് കാരണമാക്കിയേക്കാമെന്നാണ് ഇവരുടെ റിപ്പോര്‍ട്ട്. ഇരുപത് വര്‍ഷത്തോളം 65,000ത്തിലധികം സ്ത്രീകളെ പഠിച്ച ശേഷമാണ് ഗവേഷകര്‍ തങ്ങളുടെ നിഗമനങ്ങളിലെത്തിയത്.

ആരോഗ്യകരമായ ഭക്ഷണം കഴിക്കുന്ന സ്ത്രീകളില്‍ 14 ശതമാനത്തോളം സ്തനാര്‍ബുദ സാധ്യത കുറയുമെന്നും അനാരോഗ്യകരമായ ഭക്ഷണം കഴിക്കുന്നവരിലാണെങ്കില്‍ ഇരുപത് ശതമാനത്തോളം സ്തനാര്‍ബുദ സാധ്യത കൂടുതലായിരിക്കുമെന്നുമാണ് ഇവരുടെ കണ്ടെത്തല്‍.

ഇനി, എന്താണ് അനാരോഗ്യകരമായ ഡയറ്റ് എന്ന് ചോദിച്ചാല്‍ ഇതില്‍ പച്ചക്കറികള്‍ വരെ ഉള്‍പ്പെടും. അധികം ഗുണമില്ലാത്ത പച്ചക്കറികള്‍, അമിതമായ മാംസാഹാരം എന്നിവയെല്ലാം അനാരോഗ്യകരമായ ഡയറ്റായി ഇക്കാര്യത്തില്‍ പരിഗണിക്കാം. അതുപോലെ തന്നെ ചില കാര്‍ബോഹൈഡ്രേറ്റ് ഭക്ഷണങ്ങളും കുറയ്ക്കണം. ഉരുളക്കിഴങ്ങ്, മധുരമുള്ള പാനീയങ്ങള്‍, പഴച്ചാറുകള്‍ എല്ലാം ഇതിലുള്‍പ്പെടും.

കാര്‍ബോഹൈഡ്രേറ്റ് കുറയ്ക്കണമെന്ന് പറയുമ്പോള്‍ ചില തെറ്റിദ്ധാരണകള്‍ വരാം. ശരീരത്തിന് അവശ്യം വേണ്ടുന്നൊരു ഘടകമെന്ന നിലയില്‍ കാര്‍ബ് തീര്‍ത്തും ഒഴിവാക്കരുത്. ഷുഗര്‍, അന്നജം, ഫൈബര്‍ എന്നിങ്ങനെ മൂന്ന് തരം കാര്‍ബുകളാണുള്ളത്. ഇതില്‍ ഷുഗറാണ് പരമാവധി കുറയ്ക്കേണ്ടത്. അന്നജം നിയന്ത്രിതമായ രീതിയില്‍ കഴിക്കാം. ഫൈബര്‍ ശരീരത്തിന് വളരെയധികം ഗുണം ചെയ്യുന്ന കാര്‍ബാണ്.

ഡയറ്റിലെ കരുതലിന് പുറമെ ജീവിതരീതികളിലെ ചില ഘടകങ്ങള്‍ കൂടി സ്തനാര്‍ബുദ സാധ്യത കുറയ്ക്കുന്നുണ്ട്. ദീര്‍ഘകാലത്തെ മുലയൂട്ടല്‍, പതിവായ വ്യായാമം, ശരീരഭാരം നിയന്ത്രിക്കുക, മദ്യപാനം നിയന്ത്രിക്കുക, പുകവലി ഒഴിവാക്കുക, ഹോര്‍മോണുകള്‍ ദീര്‍ഘകാലത്തേക്ക് എടുക്കുന്നത് ഒഴിവാക്കുക, റേഡിയേഷൻ കുറയ്ക്കുക എന്നിവയെല്ലാം സ്തനാര്‍ബുദത്തെ ചെറുക്കുന്നു.

സമയത്തിന് രോഗനിര്‍ണയം നടത്താനായാല്‍ സ്തനാര്‍ബുദം ഫലപ്രദമായി ചികിത്സിച്ച് ഭേദപ്പെടുത്താൻ സാധിക്കും. എന്നാല്‍ രോഗം മനസിലാക്കാൻ സമയമെടുക്കുന്നു എന്നതിനാലാണ് ലോകത്ത് തന്നെ ഏറ്റവുമധികം രോഗികളുള്ള, മരണനിരക്കുള്ള ക്യാൻസര്‍ വിഭാഗങ്ങളില്‍ മുന്നില്‍ സ്തനാര്‍ബുദം എത്തുന്നത്.

ഇന്ത്യയിലും സ്തനാര്‍ബുദം ബാധിക്കുന്നവരുടെ എണ്ണം കൂടിവരിക തന്നെയാണ്. രാജ്യത്ത് ഓരോ നാല് മിനുറ്റിലും ഒരു രോഗി എങ്കിലും പുതുതായി വരികയും ഓരോ എട്ട് മിനുറ്റിലും സ്തനാര്‍ബുദം ബാധിച്ച് ഒരു രോഗിയെങ്കിലും മരിക്കുകയും ചെയ്യുന്നു എന്നാണ് കണക്ക്.

More News

ഒരു കാലം വരെ അമിതമായി തടി ഉള്ളവരിലും കൃത്യമായ ജീവിതരീതി പിന്തുടരാത്തവരിലുമാണ് ഹൃദ്രോഗങ്ങള്‍ കൂടുന്നത് എന്നാണ് കരുതിയിരുന്നത്. എന്നാല്‍, ഈ അടുത്ത് നല്ല ഫിറ്റ്‌നസ്സ് ഫ്രീക്കായിട്ടുള്ളവര്‍ വരെ ഹൃദ്രോഗം മൂലം മരണപ്പെടുന്നതും കഷ്ടപ്പെടുന്നതും കണ്ടു. അതോടെ ഹൃദയത്തിന്റെ ആരോഗ്യത്തിനു വേണ്ടി എന്ത് ചെയ്യണം എന്ന ആശങ്കയും കൂടി. വ്യായാമം ചെയ്താലും പ്രശ്‌നം ചെയ്തില്ലെങ്കിലും പ്രശ്‌നം എന്ന ചിന്തയോടൊപ്പം എന്ത് തരം ഡയറ്റ് പിന്തുടര്‍ന്നാലാണ് ഹൃദയ സംബന്ധമായ അസുഖങ്ങള്‍ കുറയ്ക്കാന്‍ സാധിക്കുക എന്ന സംശയങ്ങളും ഉയര്‍ന്ന് വന്നിരിക്കുകയാണ്. ഒരൊറ്റ […]

തിരുവല്ല:എടത്വ പോസ്റ്റ് ഓഫീസ് നിർമ്മാണം ആരംഭിക്കാത്തതിൽ പ്രതിഷേധിച്ച് തിരുവല്ലാ ഡിവിഷൻ പോസ്റ്റൽ സൂപ്രണ്ട് ഓഫീസിലേക്ക് എടത്വ വികസന സമിതി യുടെ നേതൃത്വത്തിൽ പ്രതിഷേധ മാർച്ച് നടത്തി.കരാർ കഴിഞ്ഞ് 2 മാസമായിട്ടും നിർമ്മാണം ആരംഭിക്കാത്ത അധികൃതരുടെ  അനാസ്ഥയ്ക്കെതിരെയാണ് പ്രതിഷേധ മാർച്ച് നടത്തിയത്.സമിതി പ്രസിഡന്റ് ആന്റണി ഫ്രാൻസീസ് കട്ടപ്പുറം ഫ്ലാഗ് ഓഫ് ചെയ്തു.വൈസ് പ്രസിഡൻ്റ് പി.ഡി.രമേശ്കുമാർ അദ്ധ്യക്ഷത വഹിച്ചു.ഷാജി തോട്ടുകടവിൽ പ്രമേയം അവതരിപ്പിച്ചു.ജനറൽ സെക്രട്ടറി അഡ്വ. പി.കെ. സദാനന്ദൻ, ട്രഷറർ കുഞ്ഞുമോൻ പട്ടത്താനം, ചീഫ് കോർഡിനേറ്റർ ഡോ: ജോൺസൺ വി. […]

കൊച്ചി: യുട്യൂബ് ചാനല്‍ അവതാരകയോട് അപമര്യാദയായി പെരുമാറി എന്നാരോപിച്ച് നടൻ ശ്രീനാഥ് ഭാസിക്കെതിരെ നൽകിയ പരാതി പിൻവലിക്കുന്നു. ശ്രീനാഥ് ഭാസിക്കെതിരായ കേസിലെ എഫ്ഐആർ റദ്ദാക്കണമെന്നാവശ്യപ്പെട്ട് പരാതിക്കാരി ഹൈക്കോടതിയെ സമീപിക്കും. ഇന്നുതന്നെ ഹൈക്കോടതിയിൽ ഹ‍ർജി നൽകും. പരാതിയുമായി ബന്ധപ്പെട്ട് ഇരു കക്ഷികളും ഒത്തുതീർപ്പിലെത്തിയ സാഹചര്യത്തിലാണ് ഇത്. പരാതിയിൽ നേരത്തെ ശ്രീനാഥ് ഭാസിയെ അറസ്റ്റ് ചെയ്തിരുന്നു. മൂന്നര മണിക്കൂറോളം ചോദ്യം ചെയ്ത ശേഷമാണ് അറസ്റ്റ് രേഖപ്പെടുത്തിയത്. ഐപിസി 509 (സ്ത്രീത്വത്തെ അപമാനിക്കല്‍) ഐപിസി 354 (ലൈംഗിക ചുവയോടെ സംസാരിക്കല്‍) 294 […]

കാസർകോട്: സംസ്ഥാനത്ത് വീണ്ടും മങ്കി പോക്സ് ബാധ. യുഎഇയിൽ നിന്ന് വന്ന കാസർകോട് സ്വദേശിയായ 37 കാരനാണ് മങ്കി പോക്സ് സ്ഥിരീകരിച്ചത്.

കാട്ടുപന്നിയുടെ ശല്യത്താല്‍ കഷ്ടപ്പെടുകയാണ് കൊല്ലം ചിറക്കരയിലെ കര്‍ഷകര്‍. കഴിഞ്ഞ ആറുമാസത്തിനിടെയാണ് പ്രദേശത്ത് കാട്ടുപന്നി വ്യാപകമാകാന്‍ തുടങ്ങിയത്. മലയോരം കടന്ന് തീരദേശമേഖലയിലേക്കും കാട്ടുപന്നിയെത്തിയെന്നാണ് കര്‍ഷകര്‍ പറയുന്നത്. കൊച്ചുബാബുവും മധുവും കര്‍ഷക തൊഴിലാളികളാണ്. പലയിടങ്ങളിലും കാട്ടുപന്നി കൃഷി നശിപ്പിച്ചെന്ന് ഏറെ നാളായി കേള്‍ക്കുന്നുണ്ടെങ്കിലും ഇപ്പോള്‍ ഇവരുടെ പ്രദേശത്തേക്കും എത്തിത്തുടങ്ങി. ചിറക്കര പഞ്ചായത്തിെല ചിറക്കരത്താഴം കുഴിപ്പിൽ ഏലായിലെ നാൽപത് കർഷകരാണ് കാട്ടുപന്നി ശല്യം നേരിടുന്നത്. കപ്പ, , ചേന, ചേമ്പ്, വാഴ, തെങ്ങ‌് എന്നിവ ഇല്ലാതാക്കി. 32 തെങ്ങിൻ തൈകളും നഷ്ടമായി. […]

എവിടേക്കെങ്കിലും ഒരു യാത്ര പോയാലോ എന്ന് പ്ലാന്‍ ചെയ്യുമ്പോഴേയ്ക്കും ഞാന്‍ ഇല്ല, ഛര്‍ദ്ദിക്കാന്‍ വരും, എന്ന് പറഞ്ഞ് ഒഴിഞ്ഞു മാറുന്നവരെ കണ്ടിട്ടുണ്ടാകും. ഇത്തരത്തില്‍ ഛര്‍ദ്ദിക്കും എന്ന ഒറ്റ കാരണത്താല്‍ യാത്രകള്‍ പലതും ഒഴിവാക്കുന്നവരെ നമുക്ക് അറിയുന്നുണ്ടാകും. ചിലപ്പോള്‍ നിങ്ങള്‍ക്ക് തന്നെ ഇത്തരം പ്രശ്‌നങ്ങള്‍ ഉണ്ടായെന്നും വരാം. ഇതിന് കാരണവും പരിഹാരവും എന്തെല്ലാമെന്ന് നോക്കാം. മോഷന്‍ സിക്ക്‌നസ്സ് യാത്ര ചെയ്യുമ്പോള്‍ കാറ്റടിച്ച് പെട്ടെന്ന് തന്നെ ഛര്‍ദ്ദിക്കാന്‍ തോന്നുന്നത്, അതുപോലെ, മനംപിരട്ടല്‍ എന്നീ പ്രശ്‌നങ്ങള്‍ ഉണ്ടാകുന്നതിനെയാണ് മോഷന്‍ സിക്ക്‌നസ്സ് എന്ന് […]

തിരുവനന്തപുരം : എഐസിസി അധ്യക്ഷ തെരഞ്ഞെടുപ്പ് ജനാധിപത്യ രീതിയിൽ നടക്കുമെന്ന് മുതിർന്ന കോൺ​ഗ്രസ് നേതാവ് ഉമ്മൻചാണ്ടി . തന്റെ പിന്തുണ സംബന്ധിച്ച തീരുമാനം സ്ഥാനാർഥിത്വത്തിൽ വ്യക്തത വന്നതിന് ശേഷം പറയുമെന്നും ഉമ്മൻചാണ്ടി പറഞ്ഞു.

പുൽപ്പള്ളി: പുൽപ്പള്ളി ടൗണിനോട് ചേർന്നുള്ള ആറാം വാർഡ് പാലമൂലയിലെ വിവിധ ഭാഗങ്ങളിൽ വീണ്ടും കടുവയുടെ സാന്നിധ്യം. ബുധൻ രാത്രി താന്നിത്തെരുവ്, പഴശിരാജാ കോളേജ്, ചേപ്പില ഭാഗങ്ങളിൽ കടുവയെ കണ്ടതായി ഇരുചക്രവാഹന യാത്രക്കാർ പറഞ്ഞു. വ്യാഴം രാവിലെ ഏരിയപള്ളിയിലെ കൃഷിയിടത്തിൽ എത്തിയ കണ്ണംപള്ളി ഷാജി എന്നയാൾ പറമ്പിലെ കുറ്റിക്കാടുകൾക്കിടയിൽ കടുവയെ കണ്ടതായി പറഞ്ഞു. സംഭവമറിഞ്ഞ്‌ പഞ്ചായത്ത്‌ അധികൃതർ വനപാലകരെ വിവരമറിയച്ചു. വ്യാഴം ഉച്ചക്കുശേഷം ചെതലയം റെയ്‌ഞ്ച് ഓഫീസർ എ പി അബ്‌ദുൾ സമദ്, ഡെപ്യൂട്ടി റെയ്‌ഞ്ചർമാരായ കെ യു […]

ഡല്‍ഹി: ജമ്മു കശ്മീരിൽ രണ്ടിടങ്ങളിൽ ഭീകരരും സുരക്ഷാ സേനയും തമ്മില്‍ ഏറ്റുമുട്ടല്‍. ബാരാമുള്ളയിലും ഷോപ്പിയാനിലും ആണ് ഏറ്റുമുട്ടൽ. ബാരാമുള്ളയിൽ സുരക്ഷാസേന രണ്ട് ഭീകരരെ വധിച്ചു. ഇന്നലെ ജമ്മു കാശ്മീരിലെ ഉധംപൂരിൽനടന്ന ഇരട്ട സ്ഫോടനങ്ങളുമായി ബന്ധപ്പെട്ട് ദേശീയ അന്വേഷണ ഏജൻസി അന്വേഷണം നടത്തുകയാണ്. രണ്ട് ബസുകളിലായി രണ്ട് സമയത്ത് നടന്ന സ്ഫോടനത്തിൽ രണ്ട് പേർക്കാണ് പരിക്കേറ്റത്

error: Content is protected !!