അമിത വിമാന നിരക്ക്: ഇടപെടില്ലെന്ന് കേന്ദ്രം

ന്യൂഡല്‍ഹി: ഗള്‍ഫ് രാജ്യങ്ങളിലേക്കും തിരിച്ചുള്ള വിമാന സര്‍വീസുകളില്‍ ഈടാക്കുന്ന അമിത ടിക്കറ്റ് നിരക്കില്‍ ഇടപെടില്ലെന്ന് ആവര്‍ത്തിച്ച് കേന്ദ്ര സര്‍ക്കാര്‍. ലോക്‌സഭയില്‍ എ.എം. ആരിഫിന്റെ ചോദ്യത്തിന് കേന്ദ്ര വ്യോമയാന സഹമന്ത്രി വി.കെ. സിങ്ങാണ് മറുപടി നല്‍കിയത്.

ഇക്കാര്യം ആവശ്യപ്പെട്ട് സംസഥാന സര്‍ക്കാരിന്റെയും എം.പിമാരുടെയും നിരവധി നിവേദനം ലഭിച്ചിട്ടുണ്ടെന്നും അദ്ദേഹം പറഞ്ഞു. എന്നാല്‍, കേന്ദ്ര നിയമം അനുസരിച്ച് എയര്‍ലൈനുകള്‍ക്ക് ഇഷ്ടമുള്ള നിരക്ക് ഈടാക്കാമെന്നാണ് വ്യവസ്ഥയെന്നും അമിത ടിക്കറ്റ് നിരക്കില്‍ ഇടപെടില്ലെന്നും കേന്ദ്ര മന്ത്രി പറഞ്ഞു.