സാമ്പത്തിക പ്രതിസന്ധി: മക്കളെ കൊലപ്പെടുത്തി ജീവനൊടുക്കാൻ ശ്രമിച്ച ദമ്പതികളിൽ ഭാര്യ രക്ഷപ്പെട്ടു

ബെം​ഗളൂരു:  സാമ്പത്തിക പ്രതിസന്ധിയെ തുടർന്ന്  ദമ്പതികൾ രണ്ട് മക്കളെ കഴുത്ത് ഞെരിച്ച് കൊലപ്പെടുത്തിയ ശേഷം ആത്മഹത്യക്ക് ശ്രമിച്ചു. ബെം​ഗളൂരു ഗോണക്കനഹള്ളിയിലാണ് സംഭവം നടന്നതെന്ന് പോലീസ് പറഞ്ഞു. 
പോലീസിന്റെ റിപ്പോർട്ട് അനുസരിച്ച്, 32-കാരനായ ശിവകുമാർ തന്റെ 11 വയസ്സും 7 വയസ്സുമുള്ള മകളെയും മകനെയും കൊലപ്പെടുത്തിയ ശേഷം തൂങ്ങിമരിച്ചു. ഭാര്യ മഞ്ജുളയെ (30) അയൽക്കാർ രക്ഷപ്പെടുത്തിയതിനാൽ അവർ രക്ഷപ്പെട്ടു. കൊലപാതക കുറ്റത്തിന് മഞ്ജുളയെ പോലീസ് അറസ്റ്റ് ചെയ്തു.

കുറച്ച് നാൾ മുൻപ് ഉണ്ടായ ഒരു അപകടത്തിൽ ശിവകുമാറിന്റെ കാലുകൾക്ക് ഗുരുതരമായ പരിക്ക് പറ്റിയിരുന്നു. അതോടെ കുടുംബം മഞ്ജുളയുടെ ചെറിയ കൂലിപ്പണി വരുമാനത്തെ ആശ്രയിച്ചായിരുന്നു കഴിഞ്ഞിരുന്നത്. ചികിത്സക്കായി ദമ്പതികൾ കടം വാങ്ങുകയും സാമ്പത്തിക സമ്മർദ്ദം കാരണം സ്വന്തം ജീവിതം അവസാനിപ്പിക്കാനും കുട്ടികൾ അനാഥരാകാതിരിക്കാൻ അവരെ കൊലപ്പെടുത്തിയതാകാമെന്നും പോലീസ് പറഞ്ഞു.