Advertisment

കോളേജ് വിദ്യാർത്ഥികളിൽ വിഷാദവും ആത്മഹത്യാ ചിന്തയും വർദ്ധിക്കുന്നതായി പഠനത്തിലൂടെ കണ്ടെത്തൽ

വിദ്യാര്‍ത്ഥികളെ അവരുടെ കോഴ്സുകളുടെ ആവശ്യകതകള്‍ മനസിലാക്കാന്‍ സഹായിക്കുന്നതിന് , ഓരോ സ്ട്രീമിനും സ്റ്റുഡന്റ് കൗണ്‍സിലര്‍മാരെ നിര്‍ബന്ധിക്കാവുന്നതാണ്,  എന്ന് ഗവേഷകന്‍ നിര്‍ദ്ദേശിച്ചു.

New Update
dipression.jpg

 കോളേജ് വിദ്യാര്‍ത്ഥികളില്‍ വിഷാദവും ആത്മഹത്യാ ചിന്തയും വര്‍ദ്ധിക്കുന്നതായി പഠനത്തിലൂടെ കണ്ടെത്തി. ഇന്ത്യയില്‍ യുവാക്കള്‍ക്കിടയിലെ വിഷാദരോഗത്തിന്റെ തോത് കൂടുതലാണെന്ന് മുന്‍ പഠനത്തിലൂടെ കണ്ടെത്തിയിരുന്നു. സയന്‍സ്, സോഷ്യല്‍ സയന്‍സ് കോളേജ് വിദ്യാര്‍ത്ഥികളുടെ വിഷാദവും ആത്മഹത്യാ ചിന്തയും തമ്മിലുള്ള ബന്ധം കണ്ടെത്താനായി അടുത്തിടെ ഒരു പഠനം നടത്തിയിരുന്നു. 

Advertisment

എന്താണ് ആത്മഹത്യാ ചിന്ത?

 ജീവിതം അവസാനിപ്പിക്കാനുള്ള മുന്‍കൂട്ടി നിശ്ചയിച്ച തീരുമാനമാണ് ആത്മഹത്യാ ചിന്ത. മരിക്കാനുള്ള ആഗ്രഹം വ്യക്തിയുടെ ഉള്ളില്‍ നിന്ന് വരുന്നതും ഒരാളുടെ ജീവിതം അവസാനിപ്പിക്കാന്‍ അറിയാവുന്നതോ കണ്ടെത്താത്തതോ ആയ കാരണങ്ങള്‍ എല്ലാം ആത്മഹത്യയായി കണക്കാക്കുന്ന ഒരു അപ്രതീക്ഷിത മരണ രീതിയാണിത്.

അമിത് റായ്ക്വാര്‍ നടത്തിയ പഠനത്തില്‍, ഇന്റര്‍നാഷണല്‍ ജേണല്‍ ഓഫ് സയന്റിഫിക് റിസര്‍ച്ച് ആന്‍ഡ് എഞ്ചിനീയറിംഗ് ഡെവലപ്മെന്റ് എന്ന പിയര്‍-റിവ്യൂഡ് ജേണലില്‍ പ്രസിദ്ധീകരിച്ചതിന്റെ അടിസ്ഥാനത്തില്‍ നിന്ന് ആത്മഹത്യാ ചിന്തയിലേക്ക് നയിക്കുന്ന വിഷാദരോഗമാണ് വിദ്യാര്‍ത്ഥികള്‍ അഭിമുഖീകരിക്കുന്ന ഭൂരിഭാഗം പ്രശ്നങ്ങള്‍ക്കും കാരണമാകുന്നതെന്ന് എടുത്തുകാണിച്ചു.

ഡല്‍ഹി-എന്‍സിആറിലുടനീളം കോളേജുകളില്‍ നിന്നുള്ള 200 വിദ്യാര്‍ത്ഥികളില്‍ ഗവേഷകന്‍ പഠനം നടത്തി. അതില്‍ 100 ??പേര്‍ സയന്‍സ് വിദ്യാര്‍ത്ഥികളും (50 പുരുഷന്മാരും 50 സ്ത്രീകളും) 100 സോഷ്യല്‍ സയന്‍സ് വിദ്യാര്‍ത്ഥികളും (50 പുരുഷന്മാരും 50 സ്ത്രീകളും) ഉണ്ടായിരുന്നു. കോളേജ് വിദ്യാര്‍ത്ഥികളുടെ വിഷാദം അളക്കുന്ന ബെക്ക് ഡിപ്രഷന്‍ ഇന്‍വെന്ററി വിദ്യാര്‍ത്ഥികള്‍ക്ക് നല്‍കി. ബെക്ക് ഡിപ്രഷന്‍ ഇന്‍വെന്ററി ഒരു സ്‌ക്രീനിംഗ് ടൂളാണ്, ഇത് വിഷാദത്തിന്റെ സ്വഭാവ സവിശേഷതകളും ലക്ഷണങ്ങളും അളക്കുന്ന 21 ഇനങ്ങളുള്ള, സ്വയം റിപ്പോര്‍ട്ട് റേറ്റിംഗ് ഇന്‍വെന്ററിയാണ്. അതിനിടെ, കോളേജ് വിദ്യാര്‍ത്ഥികളുടെ ആത്മഹത്യാ ആശയം അളക്കുന്നതിനുള്ള ആത്മഹത്യാ ചിന്താ സ്‌കെയിലിനും വിദ്യാര്‍ത്ഥികള്‍ വിധേയരായി. 

ആത്മഹത്യാ ചിന്താഗതിയുള്ള വിദ്യാര്‍ത്ഥികള്‍ക്കിടയില്‍ വിഷാദരോഗത്തിന്റെ തോത് കണക്കാക്കുന്നതിനുള്ള മറ്റൊരു മാര്‍ഗ്ഗം പിയേഴ്‌സണ്‍ കോറിലേഷന്‍ ആയിരുന്നു, ഇത് സയന്‍സ്, സോഷ്യല്‍ സയന്‍സ് കോളേജ് വിദ്യാര്‍ത്ഥികളുടെ വിഷാദവും ആത്മഹത്യാ ചിന്തയും തമ്മിലുള്ള ബന്ധം കണ്ടെത്തുന്നതിന് പ്രയോഗിക്കുകയുണ്ടായി. 

സയന്‍സ് സ്ട്രീമില്‍ നിന്നുള്ള വിദ്യാര്‍ത്ഥികളില്‍ ഉയര്‍ന്ന അളവിലുള്ള വിഷാദരോഗം ഉണ്ടെന്ന് പഠനം കണ്ടെത്തി. വിഷാദത്തിന് കാരണമാകുന്നത് മാതാപിതാക്കളുടെ സമ്മര്‍ദ്ദം, ഇന്‍സ്ട്രക്ടര്‍ സമ്മര്‍ദ്ദം, മറ്റ് വിദ്യാര്‍ത്ഥികളുമായുള്ള തെറ്റായ കൂട്ടുകെട്ട് എന്നിവയാണ്.

വിദ്യാര്‍ത്ഥികളെ അവരുടെ കോഴ്സുകളുടെ ആവശ്യകതകള്‍ മനസിലാക്കാന്‍ സഹായിക്കുന്നതിന് , ഓരോ സ്ട്രീമിനും സ്റ്റുഡന്റ് കൗണ്‍സിലര്‍മാരെ നിര്‍ബന്ധിക്കാവുന്നതാണ്,  എന്ന് ഗവേഷകന്‍ നിര്‍ദ്ദേശിച്ചു. ഇങ്ങനെ ചെയ്യുവാണെങ്കില്‍ 'വിദ്യാര്‍ത്ഥികള്‍ക്ക് സമ്മര്‍ദ്ദം കുറയും, ഇത് അവരുടെ അക്കാദമിക് പ്രകടനം മെച്ചപ്പെടുത്തുകയും ആരോഗ്യകരമായ ക്യാമ്പസ് ജീവിതം നയിക്കാന്‍ അവരെ പ്രാപ്തരാക്കുകയും ചെയ്യുമെന്ന് പഠനം പറയുന്നു. സയന്‍സ്, സോഷ്യല്‍ സയന്‍സ് കോളേജ് വിദ്യാര്‍ത്ഥികള്‍ക്കിടയില്‍ ആത്മഹത്യാ ചിന്തയില്‍ കാര്യമായ വ്യത്യാസമുണ്ടെന്ന് കണ്ടെത്തലുകള്‍ സ്ഥിരീകരിച്ചു. സയന്‍സ് കോളേജുകളില്‍ നിന്നുള്ള കൂടുതല്‍ വിദ്യാര്‍ത്ഥികളും ആത്മഹത്യാ ചിന്തയുള്ളവരായി പഠനത്തിലൂടെ കണ്ടെത്തി. വിഷാദരോഗം വര്‍ധിച്ചാല്‍ ആത്മഹത്യാ ചിന്തയും വര്‍ദ്ധിക്കുമെന്നാണ് പഠനം പറയുന്നത്

 

dipression
Advertisment