തിരുവനന്തപുരം: കേരളത്തിന്റെ അഭിമാനമായ പൊതുമേഖലാ സ്ഥാപനം കെ എം എം എല്‍. ഈ വര്‍ഷം 1000 കോടി വിറ്റുവരവ് കൈവരിച്ച സന്തോഷം പങ്കുവെച്ച് മന്ത്രി പി രാജീവ്.
വിറ്റുവരവില്‍ ചരിത്രത്തിലെ ഏറ്റവും ഉയര്‍ന്ന രണ്ടാമത്തെ നേട്ടമാണ് കെ എം എം എല്‍ സ്വന്തമാക്കിയത്. ഒപ്പം ടൈറ്റാനിയം ടെട്രാക്ലോറൈഡ് (ടിക്കിള്‍) വിപണനത്തില്‍ സര്‍വ്വകാല റെക്കോര്‍ഡ് എന്ന നേട്ടവും ഇത്തവണ കെ എം എം എല്‍ കൈവരിച്ചു.
8,815 ടണ്‍ ടിക്കിള്‍ വിപണനം നടത്താന്‍ കമ്പനിക്ക് സാധിച്ചു. ടൈറ്റാനിയം ഡയോക്സൈഡ് വിപണനത്തിലും കഴിഞ്ഞ 8 വര്‍ഷത്തിനിടയിലെ ഏറ്റവും ഉയര്‍ന്ന നേട്ടമാണ് 2024-25 സാമ്പത്തികവര്‍ഷത്തില്‍ കെ എം എം എല്‍ നേടിയത്. 36,395 ടണ്‍ ടൈറ്റാനിയം ഡയോക്സൈഡ് പിഗ്മന്റ് വിപണനം നടത്തുകയുണ്ടായി.
2021-22 സാമ്പത്തിക വര്‍ഷത്തെ 1058 കോടി രൂപയാണ് ചരിത്രത്തിലെ ഏറ്റവും ഉയര്‍ന്ന വിറ്റുവരവ്. കഴിഞ്ഞ സാമ്പത്തിക വര്‍ഷം 956.24 കോടി രൂപയായിരുന്നു വിറ്റുവരവ്. ഈ കഴിഞ്ഞ സാമ്പത്തിക വര്‍ഷം 1,036 കോടി രൂപയുടെ വിറ്റുവരവ് കമ്പനി നേടി.
ഒപ്പം നൂറിലധികം കോടി രൂപയുടെ പ്രവര്‍ത്തനലാഭവും കമ്പനിക്കുണ്ട്. എല്ലാ വര്‍ഷവും സംസ്ഥാന സര്‍ക്കാരിന് ലാഭവിഹിതം കൈമാറുന്ന പൊതുമേഖലാ സ്ഥാപനമാണ് കെ എം എം എല്‍. 2023-24ല്‍ 6.18 കോടി രൂപ ലാഭവിഹിതമായി കമ്പനി കൈമാറിയിരുന്നു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/04/12/vzJX6roBkHVkSkPs46ke.jpeg)