ചെളി തെറിപ്പിച്ചത് യുവാക്കള്‍ ചോദ്യം ചെയ്തു.അരൂരില്‍ ബസ് നടുറോഡില്‍ ഉപേക്ഷിച്ച് കെഎസ്ആര്‍ടി ജീവനക്കാര്‍ ഇറങ്ങിപ്പോയി. മണിക്കൂറോളം ഗതാഗതതടസ്സം. പൊലീസ് കേസെടുത്തില്ല

കൊച്ചി:ചെളി തെറിപ്പിച്ചത് ചോദ്യം ചെയ്തതിനെ തുടര്‍ന്ന് കെഎസ്ആര്‍ടിസി ജീവനക്കാര്‍ ബസ് നടുറോഡില്‍ ഉപേക്ഷിച്ച് പോയി. കോഴിക്കോട് തിരുവനന്തപുരം സൂപ്പര്‍ ഫാസ്റ്റ് ബസാണ് ഉപേക്ഷിച്ചത്. ബസില്‍ നിറയെ യാത്രക്കാര്‍ ഉണ്ടായിരുന്നു. അരൂര്‍ എത്തിയപ്പോഴാണ് സംഭവം.

ചെളിവെള്ളം സ്‌കൂട്ടര്‍ യാത്രക്കാര്‍ക്ക് മേലെ തെറിച്ചതുമായി ബന്ധപ്പെട്ടായിരുന്നു തര്‍ക്കം. അതിന്റെ പേരിലാണ് ബസ് നടുറോഡില്‍ ഇട്ട് ഡ്രൈവറും കണ്ടക്ടറും ഇറങ്ങിപ്പോയത്. മണിക്കൂറോളം ഗതാഗതം കുടുങ്ങിക്കിടന്നു. യാത്രക്കരും നാട്ടുകാരും പ്രതിഷേധിച്ചു.

ബൈക്ക് യാത്രക്കാര്‍ക്കെതിരെ പരാതി നല്കാന്‍ ബസില്‍ നിന്നിറങ്ങിയ കെഎസ്ആര്‍ടിസി ജീവനക്കാര്‍ പൊലീസ് സ്റ്റേഷനിലേക്ക് പോവുകയായിരുന്നു. തുടര്‍ന്ന് പരാതിയില്‍ പൊലീസ് ഇതുവരെ കേസെടുത്തിട്ടില്ല. ബസില്‍ ഉണ്ടായിരുന്ന ആളുകളുമായും നാട്ടുകാരുമായും പൊലീസ് സംസാരിച്ചു. ബസ് ജീവനക്കാരുടെ പരാതിയില്‍ കഴമ്പില്ലെന്നും കണ്ടെത്തി.