ഷൂസോ സാൻഡലോ ധരിച്ച് കാറോ ബൈക്കോ ഓടിക്കുന്നതിന്‍റെ ഗുണങ്ങൾ ഇതൊക്കെയാണ്

ഷൂസോ സാൻഡലോ ധരിച്ച് കാറോ ബൈക്കോ ഓടിച്ചാൽ ഗിയർ, ബ്രേക്ക് പെഡലുകളിൽ നല്ല പിടി കിട്ടും. അതേസമയം സ്ലിപ്പറുകൾ ഗ്രിപ്പ് നൽകുന്നില്ല. ചിലപ്പോൾ സ്ലിപ്പറുകൾ പെഡലുകളിൽ തെന്നി വീഴുന്നതും സംഭവിക്കുന്നു. ഇതുമൂലം അപകട സാധ്യത വർധിച്ചേക്കാം. ബൈക്ക് ഓടിക്കുമ്പോൾ ലുങ്കിയോ സ്ലിപ്പറോ ധരിക്കുന്നത് ഗിയർ ഷിഫ്റ്റിംഗിൽ പ്രശ്‌നമുണ്ടാക്കും. കൃത്യസമയത്ത് ഗിയർ മാറ്റാൻ കഴിയാത്തത് മാരകമായ അപകടങ്ങൾക്ക് ഇടയാക്കും.

റൈഡിംഗിൽ ഹാഫ് കൈ ഷർട്ട് ധരിക്കുന്നത് വീഴ്ചയോ അപകടമോ ഉണ്ടായാൽ കൈകൾക്ക് ഗുരുതരമായ പരിക്കേൽപ്പിക്കും. ഫുൾ കൈ ഷർട്ട് ധരിക്കുന്നത് നിങ്ങളുടെ കൈകൾക്ക് ഗുരുതരമായ പരിക്കേൽക്കുന്നതിൽ നിന്ന് രക്ഷിക്കാനാകും. ഇവ ചെറിയ കാര്യങ്ങളായി തോന്നാമെങ്കിലും, അപകടസമയത്ത് അവ പ്രാധാന്യമർഹിക്കുന്നതായി തെളിയിക്കാനാകും.

ഹെൽമെറ്റ് ധരിക്കാതെ ടൂവീലർ ഓടിക്കുന്നത് നിയമപരമായ കുറ്റമാണ്. കൂടാതെ ഒരു വ്യക്തി അപകടത്തിൽ പെട്ടാൽ അത് മാരകമായ പരിക്കുകൾക്ക് കാരണമാകും. ഹെൽമറ്റ് ധരിക്കാത്തതിന് പിഴ അടക്കണ്ടിയും വരും. അതുകൊണ്ട് റോഡിൽ യാത്ര ചെയ്യുമ്പോൾ, ഏതെങ്കിലും ശിക്ഷ ഒഴിവാക്കുന്നതിന്, നിങ്ങൾ സീറ്റ് ബെൽറ്റ് ധരിക്കുക, ഹെൽമറ്റ് ധരിക്കുക, വേഗപരിധി മനസ്സിൽ വയ്ക്കുക, ട്രാഫിക്ക് ലൈറ്റ് അനുസരിക്കുക തുടങ്ങിയ നിയമങ്ങൾ പാലിക്കുക.

മോട്ടോർ വെഹിക്കിൾ നിയമത്തിന് കീഴിൽ നിരവധി നിയമങ്ങൾ പാലിക്കേണ്ടതുണ്ട്. ബൈക്ക് ഓടിക്കുമ്പോൾ ഹെൽമറ്റ് നിർബന്ധമായും ധരിക്കേണ്ടത് പ്രധാനമാണ്. ചിലർ ബൈക്കും സ്‍കൂട്ടറുമൊക്കെ ഓടിക്കുമ്പോൾ സ്ലിപ്പർ ചെരിപ്പ് ധരിച്ചായിരിക്കും. സ്ലിപ്പർ ധരിച്ച് ടൂവീലർ ഓടിക്കുന്നത് അപകടത്തിന് ഇടയാക്കുമെന്ന് പലരും വാദിക്കുന്നുണ്ട്. ഇങ്ങനെ ചെയ്‍താൽ ഫൈൻ ഈടാക്കുമെന്ന പ്രചരണവും നടക്കുന്നുണ്ട്.