ന്യൂഡല്‍ഹി : ജാര്‍ഖണ്ഡ് നിയമസഭാ തെരഞ്ഞെടുപ്പിനുള്ള 40 താരപ്രചാരകരുടെ പട്ടിക ഭാരതീയ ജനതാ പാര്‍ട്ടി (ബിജെപി) വെള്ളിയാഴ്ച പ്രഖ്യാപിച്ചു.
40 അംഗ പട്ടികയില്‍ പ്രധാനമന്ത്രി നരേന്ദ്ര മോദി, ബിജെപി ദേശീയ അധ്യക്ഷന്‍ ജെപി നദ്ദ, കേന്ദ്രമന്ത്രിമാരായ രാജ്നാഥ് സിംഗ്, അമിത് ഷാ, നിതിന്‍ ഗഡ്കരി ധര്‍മേന്ദ്ര പ്രധാന്‍, ശിവരാജ് സിംഗ് ചൗഹാന്‍ എന്നിവരുടെ പേരുകള്‍ ഉള്‍പ്പെടുന്നു.
ബിജെപി മുഖ്യമന്ത്രിമാരായ യോഗി ആദിത്യനാഥ് (ഉത്തര്‍പ്രദേശ്), നയാബ് സിംഗ് സൈനി (ഹരിയാന), മോഹന്‍ മാജി ഹിമന്ത ബിശ്വ ശര്‍മ്മ, വിഷ്ണു ദേവ് സായ് (ഛത്തീസ്ഗഡ്) എന്നിവരും താരപ്രചാരകരില്‍ ഉള്‍പ്പെടുന്നു.
ഭരണകക്ഷിയായ ജെഎംഎം നേതൃത്വത്തിലുള്ള സഖ്യം തങ്ങളുടെ സീറ്റ് പങ്കിടല്‍ കരാറിന്റെ രൂപരേഖയ്ക്ക് അന്തിമരൂപം നല്‍കിയതോടെ ജാര്‍ഖണ്ഡ് നിയമസഭാ തിരഞ്ഞെടുപ്പിനുള്ള 66 സ്ഥാനാര്‍ത്ഥികളുടെ ആദ്യ പട്ടിക ശനിയാഴ്ച ബിജെപി പ്രഖ്യാപിച്ചു.
ഓള്‍ ജാര്‍ഖണ്ഡ് സ്റ്റുഡന്റ്‌സ് യൂണിയന്‍ (എജെഎസ്യു), ജനതാദള്‍ (യുണൈറ്റഡ്), ലോക് ജനശക്തി പാര്‍ട്ടി (എല്‍ജെപി) എന്നിവരുമായി സഹകരിച്ചാണ് ഭാരതീയ ജനതാ പാര്‍ട്ടി ജാര്‍ഖണ്ഡ് നിയമസഭാ തിരഞ്ഞെടുപ്പില്‍ മത്സരിക്കുക. ബിജെപി 68 സീറ്റിലും എജെഎസ്യു 10 സീറ്റിലും ജെഡിയു രണ്ട് സീറ്റിലും എല്‍ജെപി ഒരു സീറ്റിലും മത്സരിക്കും.
പാര്‍ട്ടിയുടെ സംസ്ഥാന അധ്യക്ഷന്‍ ബാബുലാല്‍ മറാണ്ടി ധന്വാറില്‍ നിന്നും ലോബിന്‍ ഹെംബ്രോം ബോറിയോയില്‍ നിന്നും സീത സോറന്‍ ജംതാരയില്‍ നിന്നും മത്സരിക്കും. ജാര്‍ഖണ്ഡ് മുന്‍ മുഖ്യമന്ത്രി ചമ്പായി സോറന്‍ സറൈകെല്ലയില്‍ നിന്നും ഗീത ബല്‍മുച്ചു ചൈബാസയില്‍ നിന്നും ഗീത കോഡ ജഗനാഥ്പൂരില്‍ നിന്നും ഗീത കോഡയില്‍ നിന്നും കേന്ദ്രമന്ത്രി അര്‍ജുന്‍ മുണ്ടയുടെ ഭാര്യ മീര മുണ്ടയെ പോട്കയില്‍ നിന്നും സ്ഥാനാര്‍ത്ഥിയായി നാമനിര്‍ദ്ദേശം ചെയ്തു.
അതേസമയം, ജാര്‍ഖണ്ഡ് മുക്തി മോര്‍ച്ച (ജെഎംഎം) തങ്ങളുടെ അഞ്ചാമത്തെ സ്ഥാനാര്‍ത്ഥി പട്ടിക വെള്ളിയാഴ്ച പുറത്തിറക്കിയതായി ജെഎംഎം പത്രക്കുറിപ്പില്‍ അറിയിച്ചു.ജാര്‍ഖണ്ഡ് നിയമസഭയിലെ 81 സീറ്റുകളിലേക്കാണ് നവംബര്‍ 13നും 20നും രണ്ട് ഘട്ടങ്ങളിലായി തെരഞ്ഞെടുപ്പ് നടക്കുന്നത്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/10/26/qyrUj7HFxLF6faIoV2iZ.jpg)