സ്റ്റൈപ്പെൻഡോടെ യു.എസിൽ പഠനം, ഫുൾബ്രൈറ്റ് ഫെലോഷിപ്പുകൾക്ക് അപേക്ഷിക്കാൻ അവസരം

മാസ്റ്റേഴ്‌സ്, ഡോക്ടറൽ റിസർച്ച്, പോസ്റ്റ് ഡോക്ടറൽ റിസർച്ച് ഉൾപ്പെടെ പഠനത്തിനും ഗവേഷണത്തിനുമുള്ള വിവിധ ഫുൾബ്രൈറ്റ് ഫെലോഷിപ്പുകൾക്ക് യുണൈറ്റഡ് സ്റ്റേറ്റ്സ്-ഇന്ത്യ എജുക്കേഷണൽ ഫൗണ്ടേഷൻ (യു.എസ്.ഐ.ഇ.എഫ്.) അപേക്ഷ ക്ഷണിച്ചു. യു.എസിൽ ഇന്ത്യയെ പ്രതിനിധീകരിച്ച് സാംസ്കാരിക അംബാസഡറാകാനും ഇതോടൊപ്പം അവസരംലഭിക്കും. അക്കാദമിക്, ഗവേഷണ, അധ്യാപന, തൊഴിൽ മേഖലകളിൽ ഇന്ത്യ-യു.എസ്. സഹകരണം ഉറപ്പാക്കുന്നതിന്റെ ഭാഗമായാണ് ഫെലോഷിപ്പ് നൽകുന്നത്. അക്കാദമിക്, ഗവേഷണമേഖലയിൽ മികവ് കാഴ്ചവെച്ച വിദ്യാർഥികൾ, ഗവേഷകർ, അധ്യാപകർ, പ്രൊഫഷണലുകൾ ഉൾപ്പെടെ വിവിധ മേഖലകളിൽനിന്നുള്ളവർക്ക് അപേക്ഷിക്കാം.

ഇന്ത്യയിലെയും യു.എസിെലയും കാലാവസ്ഥാ വ്യതിയനാവുമായി ബന്ധപ്പെട്ട പഠനങ്ങൾക്കും ഗവേഷണങ്ങൾക്കുമാണ് ഫെലോഷിപ്പ്. അവസാന തീയതി: ജൂലായ് 15.

* ഫുൾബ്രൈറ്റ്- കലാം ക്ലൈമറ്റ് ഫെലോഷിപ്പ് ഫോർ ഡോക്ടറൽ റിസർച്ച്: ഇന്ത്യയിലെ സ്ഥാപനത്തിൽ 2023 നവംബർ ഒന്നിനോ ശേഷമോ പിഎച്ച്.ഡി.ക്ക്‌ രജിസ്റ്റർചെയ്തിരിക്കണം. ആറുമുതൽ ഒൻപതു മാസംവരെയാണ് ദൈർഘ്യം. മേഖലകൾ: ക്ലീൻ എനർജി ടെക്നോളജീസ് ആൻഡ് എനർജി ട്രാൻസിഷൻ. ക്ലൈമറ്റ് ആൻഡ് ഹെൽത്ത്, ക്ലൈമറ്റ് ഫിനാൻസ്, മൈഗ്രേഷൻ, ക്ലൈമറ്റ്-സ്മാർട്ട് അഗ്രിക്കൾച്ചർ, ക്ലൈമറ്റോളജി, ക്രിട്ടിക്കൽ ആൻഡ് എമർജിങ് ടെക്നോളജി, ഓഷ്യനോഗ്രാഫി, റിന്യൂവബിൾ എനർജി ഉൾപ്പെടെയുള്ള വിഷയങ്ങൾ.

* ഫുൾബ്രൈറ്റ്-കലാം ക്ലൈമറ്റ് ഫെലോഷിപ്പ് ഫോർ പോസ്റ്റ് ഡോക്ടറൽ റിസർച്ച്: ഗവേഷണ കഴിവുകൾ വികസിപ്പിക്കുന്നതിനും ഗവേഷകർക്കും ഫാക്കൽറ്റികൾക്കും അപേക്ഷിക്കാം. യു.എസിലെ ഗവേഷണ സ്ഥാപനങ്ങളുമായും ഫാക്കൽറ്റികളുമായും ദീർഘകാല സഹകരണം എന്നിവ ലഭിക്കും. എട്ടുമാസം മുതൽ 24 മാസംവരെ ദൈർഘ്യം. നാലുവർഷത്തിനുള്ളിൽ നേടിയ പിഎച്ച്.ഡി. അല്ലെങ്കിൽ ഡി.എം. ബിരുദം. മികച്ച ജേണലുകളിൽ പ്രസിദ്ധീകരണങ്ങളുണ്ടാരിക്കണം.

* ഫുൾബ്രൈറ്റ്-കലാം ക്ലൈമറ്റ് ഫെലോഷിപ്പ് ഫോർ അക്കാദമിക് ആൻഡ് പ്രൊഫഷണൽ എക്‌സലൻസ്: ഇന്ത്യയിലെ ഫാക്കൽറ്റി, ഗവേഷകർ, പ്രൊഫഷണൽസ് എന്നിവർക്ക് യു.എസിൽ അധ്യാപനം, ഗവേഷണം അല്ലെങ്കിൽ ഇവയ്ക്ക് രണ്ടിനും ഫെലോഷിപ്പ്. നാലുമുതൽ ഒൻപത് മാസം വരെ ദൈർഘ്യം. ഇന്ത്യക്കും യുഎസിനും ഈ മേഖലയിലെ ഗവേഷണത്തിന്റെ പ്രസക്തി, സ്ഥാപനത്തിന് അതിന്റെ പ്രയോജനം, യു.എസിൽ ഗവേഷണം നടത്തേണ്ട ആവശ്യകത തുടങ്ങിയവ അപേക്ഷയിൽ വിശദീകരിക്കണം. യോഗ്യത: പിഎച്ച്.ഡി.യും അഞ്ച് വർഷത്തിൽ കുറയാത്ത അധ്യാപന, ഗവേഷണ, പ്രൊഫഷണൽ പരിചയം.

വിവരങ്ങൾക്ക്

www.usief.org.in/

educationusaindia@usief.org.in

ടോൾ ഫ്രീ: 1800 103 1231 (തിങ്കൾ മുതൽ വെള്ളി വരെ രാവിലെ 10 മുതൽ വൈകീട്ട് അഞ്ചുവരെ)

7428932225 (വാട്സാപ്പ്) ഗവേഷണംനടത്താൻ ആഗ്രഹിക്കുന്ന സ്ഥാപനങ്ങളുമായും ഫാക്കൽറ്റികളുമായും നേരത്തേ ആശയവിനിമയം നടത്തണം. അവർ നൽകുന്ന കത്ത് ഓൺലൈൻ അപേക്ഷയോടൊപ്പം ഉൾപ്പെടുത്തണം.