2025 - 2026 ഓടെ ഇന്ത്യയില്‍ ആഗോള സംഘര്‍ഷവും രാഷ്ട്രീയ മാറ്റങ്ങളും ഉണ്ടാകുമെന്ന് ജ്യോതിഷിയായ ബ്രഹ്‌മന്ദ ഗുരുജിയുടെ പ്രവചനം

ന്യൂഡല്‍ഹി: 2025-നും 2026-നും ഇടയില്‍ മൂന്നാം ലോകമഹായുദ്ധം ആരംഭിക്കുമെന്ന് ജ്യോതിഷിയായ ബ്രഹ്‌മാണ്ഡ ഗുരുജി. 13 മുസ്ലീം ഭൂരിപക്ഷ രാജ്യങ്ങള്‍ ഒന്നിച്ച് ഇന്ത്യയെ ആക്രമിക്കാന്‍ തയ്യാറെടുക്കുന്നുവെന്നാണ്  ജ്യോതിഷിയുടെ പ്രവചനം.

പ്രസിദ്ധമായ ഹാസനാംബ ക്ഷേത്രം സന്ദര്‍ശിച്ച ശേഷം മാധ്യമപ്രവര്‍ത്തകരോട് സംസാരിക്കവെയാണ് ഇന്ത്യയുടെ രാഷ്ട്രീയ, സുരക്ഷാ ഭാവിയെക്കുറിച്ചുള്ള തന്റെ പ്രവചനങ്ങള്‍ ഗുരുജി പങ്കുവെച്ചത്.

പ്രധാനമന്ത്രി മോദി ആശ്രമത്തില്‍ നിന്ന് വിരമിക്കുന്നതിന് മുമ്പ് ഒന്നര വര്‍ഷം കൂടി മാത്രമേ അധികാരത്തില്‍ തുടരുകയുള്ളൂവെന്ന് ഗുരുജി പ്രസ്താവിച്ചു. ബംഗ്ലാദേശും ചൈനയും ചേര്‍ന്ന് ഇന്ത്യയെ ആക്രമിക്കാന്‍ ഗൂഢാലോചന നടത്തുമെന്നും അദ്ദേഹം അവകാശപ്പെട്ടു.

ശിവന്റെ ദൈവഹിതത്തിന്റെ ഭാഗമായി കര്‍ണാടകയെ മൂന്ന് മേഖലകളായി വിഭജിക്കാമെന്നും ഗുരുജി പ്രവചിച്ചു. സമീപഭാവിയില്‍ ഈ പ്രദേശത്ത് ജലക്ഷാമവും പകര്‍ച്ചവ്യാധികള്‍ പൊട്ടിപ്പുറപ്പെടാനുള്ള സാധ്യതയുമുണ്ടെന്നും ഗുരുജി അവകാശപ്പെട്ടു.