മില്ലറ്റുകളെ ഡയറ്റിൽ ഉൾപ്പെടുത്തുന്നതുകൊണ്ടുള്ള ആരോ​ഗ്യ പ്രശ്നങ്ങൾ നോക്കാം..

മില്ലറ്റുകൾ പ്രാധാന ഭക്ഷണമാക്കുന്നത് പോഷകക്കുറവിലേക്ക് നയിക്കുമെന്നും ആരോ​ഗ്യവിദ​ഗ്ധർ ചൂണ്ടിക്കാണിക്കുന്നു. 2013 ൽ നടത്തിയ ഒരു പഠനത്തിൽ മില്ലറ്റുകൾ പ്രധാനഭക്ഷണമാക്കുന്ന ​ഗ്രാമപ്രദേശങ്ങളിൽ സ്ത്രീകളിലും കുട്ടികളിലും ഇരുമ്പിന്റെ അഭാവത്തെ തുടർന്നുണ്ടാകുന്ന അനീമിയ കേസുകൾ വർധിക്കുന്നതായി കണ്ടെത്തിയിരുന്നു. കൂടാതെ തൈറോയിഡ് രോ​ഗികൾക്കും മില്ലറ്റ് ഒരു മികച്ച ഓപ്ഷനല്ല.

മില്ലറ്റുകൾ ഗോയിട്രോജെനിക് ആണ്. ഗോയിട്രോജനുകൾ തൈറോയ്ഡ് ​ഗ്രസ്ഥിയുടെ പ്രവർത്തനത്തെ തടസപ്പെടുത്തുകയും ഹോർമോൺ ഉൽപാദനം തടയുകയും ചെയ്യുന്നു. ഇത് ഹൈപ്പോതൈറോയിഡിസത്തിലേക്കോ തൈറോയ്ഡ് ഉള്ളവരിൽ ഗോയിറ്റർ എന്ന അവസ്ഥയിലേക്കോ നയിച്ചേക്കാം. ചിലരിൽ മില്ലറ്റുകൾ ദഹനപ്രശ്നങ്ങളുമുണ്ടാക്കും. ഇവയിൽ അടങ്ങിയിരിക്കുന്ന ഉയർന്ന അളവിലുള്ള നാരുകൾ സെൻസിറ്റീവ് വയറുള്ളവരിൽ ​ഗ്യാസ്, ബ്ലോട്ടിങ്, വയറുവീർക്കൽ, ഇറിറ്റബിൾ ബവൽ സിൻഡ്രോം (ഐബിഎസ്) എന്നിവയിലേക്കും നയിക്കാം.