കോട്ടയം : പോലീസ് ഉദ്യോഗസ്ഥരെ ആക്രമിച്ച കേസില്‍ മൂന്ന് പേര്‍ അറസ്റ്റില്‍. മുട്ടമ്പലം കാച്ചുവേലിക്കുന്ന് ഭാഗത്ത് പരിയാത്തുശേരില്‍ വീട്ടില്‍ സംക്രാന്തി ഭാഗത്ത് ഇപ്പോള്‍ വാടകയ്ക്ക് താമസം ഡോണ്‍ മാത്യു (25), പുതുപ്പള്ളി കൈതേപ്പാലം ഭാഗത്ത് ആഞ്ഞാലിക്കടുപ്പില്‍ വീട്ടില്‍ ഷെബിന്‍ സി.വര്‍ഗീസ് (29), മുട്ടമ്പലം മടുക്കാനി ഭാഗത്ത് മടുക്കാനി വീട്ടില്‍ സിബി തോമസ് (29) എന്നിവരാണ് അറസ്റ്റിലായത്. കോട്ടയം ഈസ്റ്റ് പോലീസാണ് ഇവരെ അറസ്റ്റ് ചെയ്തത്.
കഴിഞ്ഞദിവസം വൈകിട്ട് 4:30 ന് പുതുപ്പള്ളി കൈതേപ്പാലം ഭാഗത്ത് പോലീസ് വാഹന പെട്രോളിങ് നടത്തുകയായിരുന്നു.നിരവധി ക്രിമിനല്‍ കേസുകളില്‍ പ്രതിയായ ഇവരെ സംശയാസ്പദമായ രീതിയില്‍ കണ്ടതിന്റെ അടിസ്ഥാനത്തില്‍ പോലീസ് ഉദ്യോഗസ്ഥര്‍ വാഹനം നിര്‍ത്തി ഇവരോട് കാര്യങ്ങള്‍ തിരക്കി.
എന്നാല്‍ യാതൊരു കാരണവുമില്ലാതെ ഇവര്‍ സംഘം ചേര്‍ന്ന് പോലീസ് ഉദ്യോഗസ്ഥരെ ചീത്ത വിളിക്കുകയും, മര്‍ദ്ദിക്കുകയും, കയ്യില്‍ കരുതിയിരുന്ന പെപ്പര്‍ സ്‌പ്രേ കൊണ്ട് ആക്രമിക്കുകയുമായിരുന്നു.സ്ഥലത്ത് കൂടുതല്‍ പൊലീസുകാര്‍ ഇല്ലാത്തതിനാല്‍ കൂടുതല്‍ ഉദ്യോഗസ്ഥരെത്തി ഇവരെ സാഹസികമായി കീഴ്‌പ്പെടുത്തി അറസ്റ്റ് ചെയ്യുകയായിരുന്നു.
പരിശോധനയില്‍ ഡോണ്‍ മാത്യുവിന്റെ കയ്യില്‍ നിന്നും രണ്ട് ഗ്രാം കഞ്ചാവ് കണ്ടെടുത്തു. ഈസ്റ്റ് സ്റ്റേഷന്‍ എസ്. എച്ച്.ഓ യൂ.ശ്രീജിത്ത്, എസ്.ഐ നെല്‍സണ്‍, സി.പി.ഒ മാരായ ഗിരീഷ്, ലിബു, അനിക്കുട്ടന്‍, ധനേഷ്, വിവേക്, അജേഷ്, എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്.
കോടതിയില്‍ ഹാജരാക്കിയ മൂവരേയും റിമാന്‍ഡ് ചെയ്തു. മറ്റു പ്രതികള്‍ക്കായി തിരച്ചില്‍ ശക്തമാക്കി.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/10/26/hvZOSFO3nrXZ0Z7en9hw.jpg)