എന്താണ് ഷു​ഗർ കട്ട് ഡയറ്റ്?കൂടുതലറിയാം...

യഥാർഥത്തിൽ മധുരമല്ല പഞ്ചസാര പോലുള്ള പ്രോസസ്സ്ഡ് ഷു​ഗറാണ് പലപ്പോഴും വില്ലനാകുന്നത്. പഞ്ചസാരയിൽ കലോറി മാത്രമാണ് ഉള്ളത്. ഇത് നമ്മുടെ ആരോ​ഗ്യത്തിന് യാതൊരു ​ഗുണവും ചെയ്യില്ല.

ഒരു ശരാശരി വലിപ്പമുള്ള കഷ്ണം കേക്കിൽ അഞ്ച് ആപ്പിളിൽ അടങ്ങിയ കലോറിയുണ്ടെന്നാണ് ആരോ​ഗ്യ വിദ​ഗ്ധർ പറയുന്നത്‌. ആരോ​ഗ്യകരമായ ജീവിതം നയിക്കുന്നതിന് ഷു​ഗർ കട്ട് ഡയറ്റ് പ്ലാനുകൾ വളരെ നേരത്തെ ആരംഭിക്കേണ്ടത് പ്രധാനമാണ്.

മധുരം മൊത്തമായി ഉപേക്ഷിക്കുകയല്ല ഷു​ഗർ കട്ട് ഡയറ്റ് എന്നതു കൊണ്ട് ഉദ്ദേശിക്കുന്നത്. നമ്മൾ അധികമായി കഴിക്കുന്ന മധുരത്തിന്റെ അളവു നിയന്ത്രിക്കുക. പ്രോസസ്സ്ഡ് മധുരത്തിന് പകരം പ്രകൃതി ദത്ത പഞ്ചസാര അതായത് പഴങ്ങളിലും പച്ചക്കറികളിൽ അടങ്ങിയ മധുരം കഴിക്കാം.

പ്രോസസ്സ്ഡ് ഷുഗറും സാധാരണ ഷുഗറും തമ്മിൽ വലിയ വ്യത്യാസമുണ്ട്. പഴങ്ങളിൽ ഷു​ഗർ കൂടാതെ വിറ്റമിൻസ്, ഫൈബർ, ന്യൂട്രിയൻസ് അങ്ങനെ പലതും അടങ്ങിയിട്ടുണ്ട്. എന്നാൽ പ്രോസ്സ്ഡ് ഷുഗറിൽ വെറും കലോറി മാത്രമേ ഉണ്ടാവുകയുള്ളൂ. സാധാരണ ആഹാര പദാർഥങ്ങളിലുള്ള ഷുഗർ പതുക്കെയാണ് ശരീരത്തിൽ അലിഞ്ഞു ചേരുമ്പോള്‍ ഇത് വളരെ പെട്ടെന്ന് തന്നെ ശരീരത്തിലെ രക്തത്തിൽ കലരുകയും ഗ്ലൂക്കോസ് ലെവൽ കൂട്ടുകയും ചെയ്യും. അതുകൊണ്ട് തന്നെ ശരീര ഭാരം വർധിപ്പിക്കുകയും ചെയ്യുന്നു.