എന്താണ് കാലവസ്ഥ വ്യതിയാനം? ഇന്നെത്തെ കാലാവസ്ഥ മാറ്റത്തിന് കാരണം മനുഷ്യൻ തന്നെ, ഫോസിൽ ഇന്ധനത്തിൽ കോപ് ഉച്ചകോടി മയപ്പെട്ടു

ഫോസിൽ ഇന്ധനം പൂർണമായും ഒഴിവാക്കണമെന്നത് മയപ്പെടുത്തി യുഎൻ കാലാവസ്ഥാ ഉച്ചകോടിയുടെ (കോപ്28) കരട് പ്രമേയം. ഫോസിൽ ഇന്ധനത്തിന്റെ ഉപയോഗവും ഉൽപാദനവും കുറയ്ക്കാൻ ആഹ്വാനം ചെയ്യുന്നതാണ് പ്രമേയം. 2050ലോ അതിനു മുൻപോ കാർബൺ മലിനീകരണം പൂജ്യം ആക്കുക എന്ന ലക്ഷ്യം കൈവരിക്കണമെന്നും ആവശ്യപ്പെട്ടു.   

ആഗോളതലത്തിൽ പുനരുപയോഗിക്കാവുന്ന ഊർജശേഷി മൂന്നിരട്ടിയാക്കുക, 2030ഓടെ വാർഷിക ഊർജ കാര്യക്ഷമത മെച്ചപ്പെടുത്തുന്നത് ആഗോള ശരാശരി നിരക്ക് ഇരട്ടിയാക്കുക, അനിയന്ത്രിത കൽക്കരി ഉപയോഗം എത്രയും വേഗം കുറയ്ക്കുക, കാർബൺ രഹിത ഊർജത്തിനായുള്ള ആഗോള ശ്രമം ശക്തമാക്കുക, സൗരോർജം, ഹൈഡ്രജൻ, ആണവോർജം തുടങ്ങിയവയുടെ ഉൽപാദനവും സംഭരണവും വ്യാപിപ്പിക്കുക, മീഥേൻ, കാർബൺ പുറന്തള്ളൽ 2030ഓടെ ഗണ്യമായി കുറയ്ക്കുക, ഇലക്ട്രിക് വാഹനങ്ങൾക്കുള്ള അടിസ്ഥാന സൗകര്യ വികസനം ശക്തമാക്കി മലിനീകരണം കുറയ്ക്കുന്നതിലേക്കു നയിക്കുക, ഫോസിൽ ഇന്ധന സബ്സിഡി ഘട്ടം ഘട്ടമായി നിർത്തലാക്കുക തുടങ്ങിയവയാണ് കരട് പ്രമേയത്തിൽ ഉൾപ്പെട്ട പ്രധാന നിർദേശങ്ങൾ. 13 ദിവസം നീളുന്ന ഉച്ചകോടി ഇന്നു സമാപിക്കും.

എന്താണ് കാലവസ്ഥ വ്യതിയാനം?

ഭൂമിയുടെ ചരിത്രത്തിലുടനീളം കാലാവസ്ഥ മാറിയിട്ടുണ്ട്. എന്നാൽ കഴിഞ്ഞ നൂറ്റാണ്ടിലെ പ്രത്യേകിച്ച് ദ്രുതഗതിയിലുള്ള താപനം വിശദീകരിക്കാൻ സ്വാഭാവിക കാരണങ്ങൾക്ക് കഴിയില്ല. ഈ സമീപകാല കാലാവസ്ഥാ വ്യതിയാനത്തിന് കാരണം മനുഷ്യൻ തന്നെയാണ്.  പ്രധാനമായും ഫോസിൽ ഇന്ധനങ്ങൾ - കൽക്കരി, എണ്ണ, വാതകം - വീടുകളിലും ഫാക്ടറികളിലും ഗതാഗതത്തിലും വ്യാപകമായി ഉപയോഗിക്കുന്നതാണ് ഇതിന് കാരണം. ഫോസിൽ ഇന്ധനങ്ങൾ കത്തുമ്പോൾ, അവ ഹരിതഗൃഹ വാതകങ്ങൾ പുറത്തുവിടുന്നു കൂടുതലും കാർബൺ ഡൈ ഓക്സൈഡ്. ഇത് ഭൂമിയുടെ ഉപരിതലത്തിനടുത്തുള്ള അന്തരീക്ഷത്തിൽ അധിക ഊർജം കുടുക്കുന്നു. ഇത് ഗ്രഹത്തെ ചൂടാക്കുന്നു.

വ്യാവസായിക വിപ്ലവത്തിന്റെ തുടക്കം മുതൽ മനുഷ്യർ വലിയ അളവിൽ ഫോസിൽ ഇന്ധനങ്ങൾ കത്തിക്കാൻ തുടങ്ങിയപ്പോൾ അന്തരീക്ഷത്തിൽ കാർബൺ ഡൈ ഓക്സൈഡിന്റെ ന്റെ അളവ് ഏകദേശം 50% വർദ്ധിച്ചു.