'ട്രെയിനിനകത്ത് വെള്ളപ്പാെക്കം പോലെ'; ചോർന്നൊലിച്ച് മാവേലി എക്സ്പ്രസ്, സെക്കൻഡ് എസിയിലും വെള്ളം

തിരുവനന്തപുരം: മം​ഗലാപുരം തിരുവനന്തപുരം മാവേലി എക്സ്പ്രസ് ട്രെയിനിൽ വൻ ചോർച്ച. മം​ഗലാപുരത്ത് നിന്ന് തിരുവനന്തപുരത്തേക്ക് വന്ന ട്രെയിനിലാണ് മഴ പെയ്തതോടെ ചോർന്നൊലിച്ചത്. സെക്കൻഡ് എസി കമ്പാർട്ട്മെന്റിലടക്കം വെള്ളം കയറി.

പ്രതിഷേധവുമായി യാത്രക്കാർ രം​ഗത്തെത്തി. മം​ഗലാപുരം വിട്ട് ട്രെയിൻ കാസർ​ഗോഡ് എത്തിയപ്പോഴായിരുന്നു സംഭവം. കനത്ത മഴ പെയ്തതോടെ ട്രെയിനിനുള്ളിലും ചോർന്ന് ഒലിക്കുകയായിരുന്നു. വൈദ്യുതി പ്രവാഹം ഏൽക്കുമോ എന്ന ഭയത്തിലായിരുന്നു യാത്ര ചെയ്തിരുന്നതെന്ന് യാത്രക്കാർ  പറഞ്ഞു.