സിനിമ രാജ്യദ്രോഹപരമാണ് എന്നാണ് സംഘപരിവാറിന്റെ ആക്ഷേപമെന്ന് എം എ ബേബി

തിരുവനന്തപുരം: എമ്പുരാന്‍ വിഷയത്തില്‍ പ്രതികരണവുമായി പി ബി അംഗം എം എ ബേബി. സിനിമ രാജ്യദ്രോഹപരമാണ് എന്നാണ് സംഘപരിവാറിന്റെ ആക്ഷേപം. 

ഗുജറാത്തിലെ വംശീയ കൂട്ടക്കൊല യാഥാര്‍ത്ഥ്യമാണ്. സിനിമയ്ക്ക് എതിരെ ആക്ഷേപ വര്‍ഷം ചൊരിയുന്നത് ജനാധിപത്യ സമൂഹത്തിനു ചേര്‍ന്നതല്ലെന്നും അദ്ദേഹം പറഞ്ഞു.

ആര്‍എസ്എസിന്റെയും സംഘപരിവാറിന്റെയും കടന്നാക്രമണം അത്യന്തം ഉത്കണ്ഠാപരമാണ്. സംഘപരിവാര്‍ ഭരണഘടനാ മൂല്യങ്ങളെ വെല്ലുവിളിക്കുന്നു. സംഘപരിവാറിന്റെ അംഗങ്ങള്‍ കൂടി ഉള്‍ക്കൊള്ളുന്ന സെന്‍സര്‍ ബോര്‍ഡ് ആണ് സിനിമയ്ക്ക് പ്രദര്‍ശനാനുമതി നല്‍കിയത്.

കലാകാരന്മാരെ സംഘപരിവാര്‍ ഭീഷണിക്ക് കീഴ്‌പെടുത്തുകയാണ്. ഭരണഘടന വിരുദ്ധമായിട്ടും രാജ്യത്തെ നിയമങ്ങള്‍ക്ക് വിരുദ്ധമായുമാണ് സംഘപരിവാര്‍ പ്രവര്‍ത്തിക്കുന്നത്. ഇത് ചോദ്യം ചെയപ്പെടണം. ചലച്ചിത്രം ഒരു വ്യവസായം കൂടിയാണ്. അതുകൊണ്ടാകാം റീ സെന്‍സറിങ് നടത്താന്‍ തീരുമാനിച്ചതെന്നും അദ്ദേഹം പറഞ്ഞു.