ന്യൂഡല്‍ഹി: ഇന്ത്യയ്ക്കും പാകിസ്ഥാനും ഇടയില്‍ സമാധാനം സ്ഥാപിക്കാന്‍ വ്യാപാരം ഉപയോഗിക്കുമെന്ന അമേരിക്കന്‍ പ്രസിഡന്റ് ഡോണള്‍ഡ് ട്രംപിന്റെ ആവര്‍ത്തിച്ചുള്ള അവകാശവാദങ്ങളില്‍ പ്രധാനമന്ത്രി നരേന്ദ്ര മോദി മൗനം പാലിക്കുന്നതിനെ ചോദ്യം ചെയ്ത കോണ്‍ഗ്രസ് പ്രസിഡന്റ് മല്ലികാര്‍ജുന്‍ ഖാര്‍ഗെ.
ഇന്ത്യക്ക് മേല്‍ക്കൈ ഉണ്ടായിരുന്നിട്ടും പാകിസ്ഥാന്‍ വെടിനിര്‍ത്തല്‍ വാഗ്ദാനം സ്വീകരിച്ചത് എന്തുകൊണ്ടാണെന്നും ഖാര്‍ഗെ ചോദിച്ചു.
''നമ്മുടെ വിദേശകാര്യ മന്ത്രിയോ പ്രധാനമന്ത്രിയോ പ്രതിരോധ മന്ത്രിയോ അല്ല വെടിനിര്‍ത്തല്‍ പ്രഖ്യാപനം നടത്തിയത്, പകരം അമേരിക്കന്‍ പ്രസിഡന്റ് ഡോണള്‍ഡ് ട്രംപാണ് അത് നടത്തിയത്,'' രാജ്യസഭയില്‍ സംസാരിക്കവെ ഖാര്‍ഗെ പറഞ്ഞു.
''വെടിനിര്‍ത്തലിന് മധ്യസ്ഥത വഹിച്ചതായി ട്രംപ് 29 തവണ സമ്മതിച്ചിട്ടും, ഇന്ത്യ ഇപ്പോഴും അത് അംഗീകരിക്കാന്‍ തയ്യാറാകാത്തത് എന്തുകൊണ്ട്?'' അദ്ദേഹം ചോദിച്ചു. ''ഞാന്‍ പ്രസംഗം പൂര്‍ത്തിയാക്കുമ്പോഴേക്കും അദ്ദേഹം 30-ാം തവണയും അത് സമ്മതിച്ചിട്ടുണ്ടാകും,'' ഖാര്‍ഗെ പരിഹസിച്ചു.
ഓപ്പറേഷന്‍ സിന്ദൂരില്‍ അഞ്ച് ജെറ്റുകള്‍ വെടിവച്ചിട്ടതായി പ്രധാനമന്ത്രിയുടെ 'സുഹൃത്ത്' പലതവണ അവകാശപ്പെട്ടപ്പോഴും മോദി മൗനം പാലിച്ചത് എന്തുകൊണ്ടാണെന്നും ഇദ്ദേഹം ചോദ്യമുയര്‍ത്തി.
രാജ്യസഭയില്‍ ഓപ്പറേഷന്‍ സിന്ദൂരിനെക്കുറിച്ചുള്ള ചര്‍ച്ചയ്ക്കിടെ, പഹല്‍ഗാം ആക്രമണം തടയുന്നതില്‍ ഇന്ത്യ പരാജയപ്പെട്ടതിനെയും ഖാര്‍ഗെ ചോദ്യം ചെയ്തു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/qQKODtvXPGjefZUTQFqQ.jpg)